વલસાડ ધરમપુર રોડ પર આવેલા ગાડરિયા ગામમાં કૃપાચેતન મેન્યુફેકચર કંપની પ્રાઇવેટ લિમિટેડમાં ગઈ કાલે રાત્રે સેન્ટ્રીફ્યુગલ મશીન પાસે કૃણાલ ધોડિયા કામ કરી રહ્યો હતો, ત્યારે મશીનનો એક તરફનું પતરું અચાનક તૂટી જતા યુવકના પેટના ભાગે વાગતા યુવકના આંતરડા બહાર આવી ગયા હતા અને લોહી વહી જતા યુવકનું ઘટના સ્થળે મોત થયું હતું.
વલસાડના ગાડરિયામાં આવેલી કંપનીમાં મશીનનું પતરું તૂટતા કામદારનું મોત
જ્યારે તેની સાથે કામ કરી રહેલા અન્ય એક યુવકને ઈજાઓ થતાં સારવાર માટે હોસ્પિટલ ખસેડવામાં આવ્યો હતો. ઘટના બનતા પોલીસ પણ સ્થળ ઉપર પહોંચી હતી અને અકસ્માત મોતનો ગુનો દાખલ કરી આગળની તપાસ શરૂ કરી હતી. બીજી તરફ મૃતકના પરિજનો દ્વારા કંપની પાસે વળતર માટેની માગ કરતા એકત્ર થઈ કંપનીના ગેટ આગળ હોબાળો મચાવ્યો હતો. જે બાદ કંપની સંચાલકોએ વળતર આપવા માટેનું આશ્વાસન આપતા સમગ્ર મામલો શાંત પડ્યો હતો.
