વલસાડના લીલાપોર ખાતે ઔરંગા નદીના તટે રાજ્યકક્ષાના આરોગ્યપ્રધાન કિશોર કાનાણી તેમજ આરોગ્ય સચિવ ભીમાણીની હાજરીમાં નમામિ દેવી નર્મદે કાર્યક્રમની ઉજવાણી કરવામાં આવી હતી. રાજયકક્ષાના પ્રધાન વલસાડની ઔરંગા નદીમાં શાસ્ત્રોક્ત વિધિ અનુસાર ઔરંગાના નીરની આરતી કરી હતી. તેમજ શ્રીફળ પણ નીરમાં અર્પણ કર્યું હતું. નદી કિનારે વૃક્ષારોપણ પણ કરવામાં આવ્યું હતું. નર્મદા ડેમ અંગે એક શોર્ટ ફિલ્મ દર્શાવવામાં આવી હતી.
પ્રભારી સચિવ ભીમાણીએ જણાવ્યું કે, નર્મદા ડેમ 138 મીટરની સપાટી સુધી ભરેલો છે. ગુજરાતની જનતાને આખું વર્ષ પીવાનું પાણી પુરું પાડી શકે એટલું પાણી એકત્ર થયું છે. પ્લાસ્ટિક મુક્ત ભારત એ પર્યવારણ બચવવાનો અભિગમ ખૂબ ઉત્તમ છે. ભાજપની સરકારમાં નર્મદાનું પાણી પાઇપલાઇનથી પહોંચાડવામાં આવ્યું છે.
ઈમાનદારી પૂર્વક કામ કરવું એ પણ એક દેશભક્તિ છે. સંકલ્પ કરીએ કે, પ્લાસ્ટિકનો ઉપયોગ ન કરીએ, પ્લાસ્ટિક મુક્ત ભારત અભિયાને આગળ વધાવીએ. ગાંધીજી અને સરદાર વલ્લભભાઈ પટેલના સ્વપ્નનું ભારત બનાવવા માટે આપણે સૌ સહભાગી બનીએ, પ્લાસ્ટિક મુક્ત અભિયાન માટે શપથ લીધા હતાં.
આ કાર્યક્રમ દરમિયાન જિલ્લા પંચાયત પ્રમુખ મણિલાલ પટેલ, સાંસદ ડો. કે.સી પટેલ, ધારાસભ્ય પારડી કનુભાઈ દેસાઈ, ધારાસભ્ય ધરમપુર, અરવિંદભાઈ પટેલ, ધારાસભ્ય વલસાડ, ભરતભાઇ પટેલ, પાલિકા પ્રમુખ પંકજ આહીર, SP (વલસાડ) સુનિલ જોશી કલેકટર, સી.આર ખરસાણ, DDO અર્પિત સાગર, સહીત અનેક અગ્રણીઓ ઉપસ્થિત રહ્યાં હતાં.
