વાપી-દમણમાં ચેઇન સ્નેચીંગ કરતી ચોર ટોળકીના ચાર ઇસમોને LCB એ દબોચી લીધા

વલસાડ જિલ્લાના વાપી અને દમણના કોસ્ટલ વિસ્તારમાં ભીડવાળી વસ્તીમાં કે એકલા લોકોનું ધ્યાન ભટકાવી ચેઇન સ્નેચિંગ કરી સોનાની ચેઇન, મોબાઈલ ઝૂંટવતી ગેંગ સકંજામાં આવી છે. ચેઇન સ્નેચિંગ કરી પલાયન થતી ગેંગના 4 ઇસમોને વલસાડ LCBની ટીમે દબોચી લઈ 1.83 લાખનો મુદ્દામાલ રિકવર કરી આગળની તપાસ હાથ ધરી છે.

• વાપીમાં LCBએ 2 ચેઇન સ્નેચરની ધરપકડ કરી
• આરોપીઓ પાસેથી 1.83 લાખનો મુદ્દામાલ મળ્યો
• આરોપીઓ સાથે કાયદાના સંઘર્ષમાં 2 બાળ કિશોર

વલસાડઃ આ અંગે વાપી ડિવિઝનના DYSP વીરભદ્રસિંહ જાડેજાએ વિગતો આપી હતી કે, વાપી વિસ્તારમાં થોડા સમયથી ચેઇન સ્નેચીંગના બનાવો બની રહ્યા હતા. તેના ઉપર વર્કઆઉટ કરી ગુનાઓ શોધી કાઢવા માટે વલસાડ પોલીસ અધિક્ષક ડૉ.રાજદીપસિંહ ઝાલાની સૂચના અને માર્ગદર્શન મુજબ LCB વલસાડના પોલીસ ઇન્સ્પેકટરની રાહબરી હેઠળ એક ટીમ બનાવી તપાસ હાથ ધરી હતી.

LCBની ટીમે 1.83 લાખનો મુદ્દામાલ રિકવર કરી આગળની તપાસ હાથ ધરી

રોકડા રૂપિયા, બાઇક, સોનાની ચેઇન રિકવર કરીબાતમીના આધારે વાપી નજીકના છીરી ગામ ખાતેથી આરોપીઓ અનુજ ઉર્ફે એ.જે. ચંદ્રપ્રકાશ ઉપાધ્યાય, શ્રવણ સંજયભાઇ યાદવ તથા કાયદાના સંઘર્ષમાં આવેલા બે બાળકિશોરોને પકડી પાડી તેમની પૂછપરછ કરી હતી. જેમાં તેમની પાસેથી અલગ અલગ કંપનીના 27,499 રૂપિયાના 5 મોબાઈલ ફોન, 5 હજાર રૂપિયા રોકડા, તથા 90,757 રૂપિયાની સોનાની ચેઇન, 60 હજારની કિંમતના 2 બાઇક મળી કુલ 1,83,256 રૂપિયાનો મુદ્દામાલ રિકવર કર્યો હતો. મુખ્ય બન્ને આરોપીઓ યુપી-બિહારના છે

આરોપીઓએ કબૂલ્યા ગુના

ઝડપાયેલા ઇસમો તથા બાળકિશોરોને વધુ વિશ્વાસમાં લઇ યુક્તિ પ્રયુક્તિથી પૂછપરછ કરતાં તેમણે ચેઇન સ્નેચીંગ તથા વાહનચોરી, મોબાઇલ ચોરીના કુલ 5 ગુના કબૂલ્યા હતા. ઝડપાયેલા ઇસમો સહ આરોપીઓ સાથે રાત્રીના સમયે વાપી GIDC વિસ્તારમાં તથા કચીગામ, દમણ તથા UPL જે ટાઇપ વિસ્તારમાંથી મોબાઇલ સ્નેચીગ કરતા હતાં. હાલ પોલીસે યુપી-બિહારના મુખ્ય બન્ને આરોપીઓની ધરપકડ કરી આગળની કાર્યવાહી હાથ છે.