વાપીના હરિયા પાર્ક વિસ્તારમાં આવેલ શ્રી એલ.જી. હરિયા સ્કૂલ ખાતે અનોખા એક્ઝિબિશનનું આયોજન કરવામાં આવ્યું હતું. શાળાના બાળકો દ્વારા પ્રકૃતિ, પર્યાવરણના વિવિધ મોડેલ, 3D પેઇન્ટિંગ્સથી લઈને ગુટેનબર્ગ પ્રિન્ટિંગ પ્રેસમાં કેવી હસ્તપ્રતો તૈયાર કરવામાં આવતી હતી તે અંગેની માહિતી આપવામાં આવી હતી. આ ઉપરાંત વિવિધ દેશોના ચલણનું, ડિજિટલ ટેકનોલોજી અને અન્ય ટેકનોલોજીમાં શું સામ્યતા છે? વેપાર માટે જાહેરાત, ટ્રાન્સપોર્ટેશન કેટલું મહત્વ ધરાવે છે. તેવા વિવિધ વિષયો પર મોડેલ તૈયાર કરવામાં આવ્યા હતાં. કરાઓકે પર ગીત ગાઈ સંગીતના તાલે ડાન્સ કરી એક હજારથી પણ વધુ વિદ્યાર્થીઓએ ઉમળકાભેર ભાગ લીધો હતો અને પોતાનામાં રહેલી અનોખી પ્રતિભાના દર્શન કરાવ્યા હતા.
વાપીની શાળામાં એક્ઝિબિશન યોજાયું, વિદ્યાર્થીઓએ આદ્યુનિક આવિસ્કારોની કરાવી ઝાંખી એક્ઝિબિશનમાં ધોરણ 11 કોમર્સમાં ભણતી શ્રુતિ દુબે અને તેમની ટીમે adds to trade નામનો અનોખો પ્રોજેક્ટ રજૂ કર્યો હતો. જેમાં બેન્કિંગ ફેસિલિટીઝ, ટ્રાન્સપોર્ટેશન, ઇન્સ્યોરન્સ સહિતના બિઝનેસમાં કેવી રીતે ટેકનોલોજીનો સમન્વય કરવામાં આવ્યો છે અને જાહેરાત થકી કઈ રીતે આ વેપાર કરી શકાય છે. તે અંગે જાણકારી ઉપલબ્ધ કરાવી હતી. શ્રુતિ દુબેના જણાવ્યાં મુજબ અહીં રજુ કરેલા તમામ પ્રોજેક્ટમાં દરેક વિદ્યાર્થીનું હાર્ડ વર્ક જોવા મળ્યું હતું. એક્ઝિબિશનમાં currency exhibition ખૂબ જ ગમ્યું હતુંચેતન મલિક નામના ધોરણ 11 કોમર્સના વિદ્યાર્થીએ આ એક્ઝિબિશનમાં ડ્રોન ટેકનોલોજી અંગે પોતાનો પ્રોજેક્ટ રજૂ કર્યો હતો. તેમણે જણાવ્યું હતું કે બદલાતી ટેકનોલોજી સાથે દુનિયામાં કેવા પ્રકારના આવિષ્કારો થયા છે. તે અંગેની જાણકારી ઉપલબ્ધ કરાવવાનો અમારો ઉદ્દેશ્ય હતો. જેમાં ડ્રોન ટેકનોલોજી સહિત હાઇડ્રોલિક બ્રિજ અને બેંકની એટીએમ ટેકનોલોજી વિશે લોકોને માહિતી પૂરી પાડી હતી જેને ખુબ જ સારો પ્રતિભાવ મળ્યો હતો. આ તમામ પ્રોજેક્ટ માટે વિદ્યાર્થીઓએ એક માસ સુધીની સખત મહેનત કરી હતી. જેના થકી આ વૈચારિક જ્ઞાનની પ્રાપ્તિ કરાવવામાં મદદરૂપ થતા સોક્રેટિસ જેવા લેખકોના જ્ઞાન વર્ધક પુસ્તકો સહિતનું એક્ઝિબિશન સાકાર થયું હતું.
