વલસાડ: કપરાડા તાલુકાના અંભેટી ગામે રહેતા પશુપાલક ચંદ્રકાંતભાઈ રમેશભાઈ પટેલની એક ગાયને પ્રસવ પીડા હતી. જેને લઈ તેમને વેટરીનરી ડૉ. વિરલભાઈનો સંપર્ક કર્યો હતો. વિરલભાઈએ પ્રસવ પીડા ભોગવી રહેલી ગાયની તપાસ કરતા તેની હાલત ખૂબ ગંભીર જણાઈ આવી હતી. તેમને ઓપરેશન કરીને ગાયની પ્રસુતિ કરાવી પણ ગાયે બે મુખ વાળા વાછરડાને જન્મ આપતા પશુપાલક અને પરિવારજનો પણ ડઘાઈ ગયા હતા. ક્યારેય જોયું ન હોય એવું બે મુખી વાછરડું તેમણે પ્રથમ વખત નિહાળ્યું હતું.
સમગ્ર ઘટનાની જાણકારી આસપાસના લોકોને થતા તેઓ પણ આ દુર્લભ વાછરડાને જોવા માટે દોડી આવ્યા હતા. ડૉ. વિરલભાઈના જણાવ્યા અનુસાર મેડિકલ રિસર્ચ મુજબ 5000 હજાર કેટલા પશુપાલનના ડિલિવરીના કિસ્સામાં ક્યારેક એકાદ કિસ્સો આવો સામે આવે છે. પરંતુ આવા વાછરડા બહુ લાબું આયુષ્ય ભોગવી શકતા નથી અને ગણતરીના કલાકોમાં મોતને ભેટે છે. ત્યારે અંભેટી ખાતે બનેલી ઘટનામાં પણ બે મુખી વાછરડું 72 કલાકમાં દૂધ ન પી શકતા મોતને ભેટયું હતું.
નોંધનીય છે કે, મેડિકલ સંશોધન મુજબ ક્યારેક કોઈ જીનેટિકલી ક્ષતિ રહી જતા પશુઓમાં પણ બચ્ચાઓ અર્ધ વિકસિત કે બે મુખી, ત્રણ મુખીનો જન્મ થતો હોય છે. પરંતુ ગ્રામિણ કક્ષાએ લોકો તેને અંધશ્રદ્ધા મુજબ ઈશ્વરનો કોપ માનતા હોય છે.
