વલસાડ પોલીસે 31 ડિસેમ્બરની રાત્રે અનેક સ્થળ પર ચેકિંગ હાથ ધર્યું હતું. જે દરમિયાન દારૂનો નશો કરીને વાહન ચલાવનાર 500થી વધુ લોકોને પોલીસે ઝડપી પાડ્યા હતા. પોલીસે દમણથી ગુજરાતમાં પ્રવેશતા માર્ગ પર પાતળીયા ચેકપોસ્ટ પર બ્રેથ ઇંલાઈઝર મશીનનો ઉપયોગ કરીને દમણથી ગુજરાતમાં પ્રવેશતા અનેક લોકોને ઝડપી પાડ્યા હતા. ઉલ્લેખનીય છે કે, વલસાડ પોલીસે વલસાડના 5 ગામ અને 90 સ્થળે ચેકિંગ હાથ ધર્યું હતું.
31 ડિસેમ્બરથી મોડી રાત સુધી વલસાડના 8 જેટલા પોલીસ મથકમાં 500થી પણ વધુ લોકોને પોલીસે નશો કરેલી હાલતમાં ઝડપી લીધા હતા. વલસાડમાંથી 19, પારડીમાં 105, વાપી ટાઉનમાં 35, વાપી GIDCમાં 59, ડુંગરામાં 55, ધરમપુરમાં 15, ઉમરગામમાં 80, કપરાડામાં 41 જેટલા નશાખોરોની પોલીસે ધરપકડ કરી હતી. ગત વર્ષે માત્ર 100 લોકો ઝડપાયા હતા, આ વર્ષે એના કરતા ત્રણ ઘણા લોકોને રાત્રીના 12 પહેલા પોલીસે ઝડપી લીધા હતા.
