વડોદરા શહેરમાં સતત વરસી રહેલા વરસાદને પગલે નીચાણવાળા વિસ્તારોમાં પાણી ભરાવાની સમસ્યા સર્જાઇ હતી. શહેરના મોટા ભાગના વિસ્તારોમાં વરસાદ ધોધમાર થતા વાહન વ્યવહારને પણ અસર પહોંચી હતી. વરસાદને પગલે શહેરના નિઝામપુરા, સમાં, છાણી વિસ્તાર અને વાઘોડિયા અને નવાપુરા જેવા વિસ્તારોમાં જાહેર માર્ગો પર પાણી ભરાઈ જવાની સમસ્યા સર્જાઇ હતી.
વડોદરામાં હવામાન વિભાગની આગાહી વચ્ચે મેઘરાજાની ફરી ધમાકેદાર એન્ટ્રી
શહેરમાં વરસી રહેલા સતત વરસાદને પગલે એસ.એસ.જી હોસ્પિટલના માર્ગો પર પણ પાણી ભરાઈ જતા દર્દીઓને ભારે મુશ્કેલીનો સામનો કરવો પડ્યો હતો. હજુ પણ હવામાન વિભાગે આગામી 48 કલાક ભારેથી અતિભારે વરસાદની આગાહી કરવામાં આવી છે, ત્યારે આ આગાહી વચ્ચે વડોદરા સહિત મધ્યગુજરાતમાં મેઘરાજા મહેરબાન થયાં છે.
