વડોદરા : ગરીબો માટે આશીર્વાદરૂપ ગણાતી મધ્ય ગુજરાતની સૌથી મોટી સયાજી હોસ્પિટલનો વહીવટ ફરી વિવાદે ચડ્યો છે. SSG માં 'સબ સલામત'ના દાવા કરતા સત્તાધીશોના અણગઢ વહીવટને કારણે ટીબી અને ફેફસાની બીમારીથી પીડાતા દર્દીઓને પારાવાર પરેશાની સહન કરવી પડી રહી છે. SSGમાં આવેલ ટીબી વિભાગમાં છેલ્લા 6 મહિનાથી લિફ્ટ બંધ છે. જોકે સયાજી હોસ્પિટલમાં સુવિધાઓના બણગા ફુંકાતા સત્તાધીશોની આંખ ઉઘાડતો એક વિડીયો વાયરલ થયો છે. જેમાં ઓક્સિજન માસ્ક સાથે દર્દીને સીડીઓ ચડી બીજા માળે જાય છે.
સાતધીશો માટે શરમજનક બાબત : વડોદરા SSG હોસ્પિટલમાં સારવાર અર્થે વિવિધ શહેર અને અન્ય રાજ્યમાંથી દર્દીઓ આવતા હોય છે. જેમાં ખાસ કરીને ફેફસાંની બીમારીથી પીડાતા દર્દીને બે માળ ઉપર ચઢવા માટે ખુબ જ મુશ્કેલીનો સામનો કરવો પડતો હોય છે. આ દર્દીઓની મુશ્કેલી પોતાની બીમારી તો છે પરંતુ સાથે લિફ્ટ બંધ હોવાથી પારાવાર મુશ્કેલીઓનો સામનો કરવો પડી રહ્યો છે. ફેફસા અને ટીબી જેવી બીમારીથી પીડાતા લોકોને ઓક્સિજનની જરૂર હંમેશા રહેતી હોય છે, ત્યારે આ લિફ્ટ બંધ હોવાના કારણે દર્દીઓને ઓક્સિજન બોટલ અને માસ્ક સાથે સીડીઓના કપરા ચઢાણ ચડવા પડી રહ્યા છે. તે ખુબ જ ગંભીર બાબત ગણવામાં આવે છે.
શું છે ફરીયાદ : દર્દીના સ્નેહીએ જણાવ્યું કે, ખુબ જ તકલીફ પડે છે માંડ માંડ ચડાય છે, દર્દીને લઈને ચડવામાં બહુ તકલીફ પડી રહી છે. ટ્રીટમેન્ટ અમે જ્યારે અમારા સગાને લાવ્યા ત્યારે ઉંચકીને ઉપર ચડાવ્યા હતા. બહુ તકલીફ પડી રહી હતી. અમને કામ કરનાર મહિલાએ જણાવ્યું કે, આ ટીબી વોર્ડ છે. તકલીફ તો પડે છે. 6 મહિનાથી લિફ્ટ બંધ છે. કેટલીય વાર રજૂઆત કરી છે, લેખિતમાં પણ ઘણી બધી વાર જણાવ્યું છે તો પણ નથી મેળ પડતો.
આ પણ વાંચો : Vadodara crime: બંધ મકાનમાંથી વાસ આવતા મૃતદેહ મળ્યો, અનેક આશંકા
દર્દીને ચડવામાં તફલીક : બીજા વોર્ડમાં કામ કારનારે જણાવ્યું કે, 6 મહિના થઇ ગયા છે લિફ્ટ બંધ થયાના આ ચેસ્ટ વોર્ડ છે. હમણાં થોડા ટાઈમથી લિફ્ટ બંદ થઇ ગઈ એના કારણે ટીબી વોર્ડ શિફ્ટ કર્યો છે. ટીબીના પેશન્ટોને ચડવામાં બહુ તકલીફ પડતી હોય છે. વારંવાર લખાણ પણ આપેલું છે. અહીંના હેડ ઓફ ડિપાર્ટમેન્ટ છે એ જાતે પણ મળી આવ્યા છે પણ હજુ કશું થયું નથી.
આ પણ વાંચો : SSG હોસ્પિટલમાં વિશ્રામ સદન, દર્દી સાથે આવેલા લોકો કરી શકશે આરામ
ડોક્ટરનું શું કહેવું છે : તબીબી જણાવ્યું કે, આ ડિપાર્ટમેન્ટ મેડિસીન્સ SSG હોસ્પિટલમાંથી હું છું. અહીં આગળ 3 મહિનાથી લિફ્ટ કામ નથી કરતી, અત્યારે આ હાલત છે. અમે બધી જગ્યાએ કમ્પલેન્ડ પણ કરી ચુક્યા છે. રિટર્નમાં એપ્લિકેશન પણ આપી છે, પણ લિફ્ટ રિપેર કરવા કોઈ નથી આવ્યું, અત્યારે એવી ખબર પડી છે કે નવી લિફ્ટ લગાવવી પડશે એના માટે મેઝરમેન્ટ માટે આવ્યા હતા. એના પછી પણ કોઈ આવ્યું નથી. પેસન્ટને બહુ રિસ્ક છે, અમારે કોઈ પણ ઇન્વેસ્ટિગેશન કરવું પડે છે. પેસન્ટને આવી જ રીતે ચડાવવા પડે છે એના માટે બીજું ICU પણ નીચે ગ્રાઉન્ડ ફ્લોર પર કરવું પડ્યું. પેસન્ટને કોઈ તકલીફના પડે અને સિરિયસ પેસન્ટને ત્યાં શિફ્ટ કરીએ છે. ઓક્સિજન બોટલની સાથે દર્દીને ઉઠાવીને અથવા તો વિલ ચેર પર જવું પડે છે. આ બહુ જ રિસ્કી છે પેસન્ટ માટે.
