મળતી માહિતી મુજબ વડોદરામાં નવા કોર્ટ કોમ્પલેક્ષમાં વકીલોની બેઠક વ્યવસ્થા મુદ્દે છેલ્લા 20 દિવસથી વકીલો દ્વારા હડતાળ કરવામાં આવી રહી હતી. તેથી અંતે હાઈકોર્ટ દ્વારા વધારાની 10 રૂમો વકીલોની બેઠક વ્યવસ્થા માટે ફાળવવામાં આવી છે. જે મુદ્દે વકીલ મંડળના પ્રમુખ હસમુખ ભટ્ટ દ્વારા વકીલોની જાહેર સભા બોલાવવામાં આવી હતી.
કેટલાક વકીલોએ પોતાના મંતવ્યો રજૂ કર્યા હતા અને છેવટે આંદોલનને સમેટી લેવાનો નિર્ણય કરવામાં આવ્યો હતો. તો આ સાથે જ પ્રિન્સિપલ ડિસ્ટ્રીકટ જજની કોર્ટમાં વકીલો કોર્ટ કાર્યવાહીથબ દુર રહેશે તેવો ઠરાવ પણ કરવામાં આવ્યો હતો.
