ઓલ ઈન્ડિયા લેટ હુસેન નબી હોકી ટુર્નામેન્ટમાં ગુજરાતે મારી બાજી

વડોદરાઃ વડોદરા સ્થિત હોકી એકેડમી સીનીયર ભાઇઓની ટીમે પુણે ખાતે રમાયેલી ઓલ ઇન્ડિયા લેટ હુસેન નબી હોકી ટુર્નામેન્ટમાં ઉત્કૃષ્ટ પ્રદર્શન કર્યુ હતું. એસએજી હોકી એકેડમીની ટીમ તેના નોક આઉટ રાઉન્ડમાં પ્રથમ મેચ રોવર્સ હોકી એકેડમી પુણે મહારાષ્ટ્ર સામે રમી હતી, જેમાં એસએજી હોકી એકેડમી ગુજરાતે 4-2થી વિજય પ્રાપ્ત કર્યો હતો.

પુણે મહારાષ્ટ્ર સામે રમતા એસએજી હોકી એકેડમીના અશાબ કુરેશી દ્વારા 1 ગોલ, રૂચિત પટેલ દ્વારા 3 ગોલ કરી સેમિફાઇનલમાં પ્રવેશ મેળવવામાં આવ્યો હતો. એસએજી હોકી એકેડમી દ્વારા ઓલ ઇન્ડિયા હુસેન નબી શેખ હોકી ટુર્નામેન્ટમાં સિલ્વર મેડલ અને ટ્રોફી પ્રાપ્ત કરી હતી. યશ ગોંડલીયાને બેસ્ટ ગોલકીપર ઇન ધ ટુર્નામેન્ટ અને બેસ્ટ કુલ કોચ વિશાલ શાહને નામે છે. વડોદરા માટે હોકીના ચાહકોમાં અનેરો ઉત્સાહ છે.

ઓલ ઈન્ડિયા લેટ હુસેન નબી હોકી ટુર્નામેન્ટમાં એસઓજી હોકી એકેડમી ગુજરાતે 4-2થી વિજય પ્રાપ્ત કર્યો

પદ્મશ્રી હોકી એક્સપર્ટ કોચ ધનરાજ પિલ્લેએ જણાવ્યું હતું કે રમત ગમત યુવા અને સાંસ્કૃત્તિક પ્રવૃત્તિ-ગાંધીનગરના સ્પોર્ટ્સ ઓથોરિટી ઓફ ગુજરાત (એસએજી) દ્વારા વડોદરા ખાતે જિલ્લા રમત પ્રશિક્ષણ કેન્દ્ર કાર્યરત છે. એસએજી હોકી એકેડમી દ્વારા વર્ષ-2015થી વિવિધ આયોજન કરવામાં આવે છે. ગુજરાત રાજય સરકાર દ્વારા ખેલાડીઓને પ્રોત્સાહન આપવામાં આવે છે.

ખેલાડીઓને પ્રોત્સાહન મળી રહે તે માટે બજેટમાં પ્રાથમિકતા આપવામાં આવી છે. ખેલ મહાકુંભના લીધે રાજયના દરેક બાળકને રમત રમવાનું માધ્યમ મળે છે અને તેને ક્ષમતાઓ પૂરવાર કરવાની તક મળી રહે છે. ગુજરાતમાં બાળકોને ખેલ ક્ષેત્રે મળતુ પ્રોત્સાહન તેના આત્મવિશ્વાસમાં ઉમેરો કરે છે. વડોદરા ખાતે હોકીની શ્રેષ્ઠ તાલીમ આપવામાં આવી રહી છે.

રાજય સરકાર દ્વારા સંચાલિત હોકી એકેડમી એકમાત્ર વડોદરા ખાતે કાર્યરત છે. ત્યારે રાજયના 70 જેટલા હોકી ખેલાડીઓ ઓલિમ્પીયન અને પદ્મશ્રી કોચ ધનરાજ પિલ્લે સહિત ટીમના માર્ગદર્શનથી હોકીની શ્રેષ્ઠ તાલીમ મેળવી રહ્યા છે. ધનરાજ પિલ્લેને આ એકેડેમીના તાલીમાર્થીઓ ઇન્ડિયા હોકી ટીમમાં સ્થાન મેળવશે એવો વિશ્વાસ છે.