આ મળતી માહિતી મુજબ, વડોદરા શહેરના દાંડિયા બજાર લકડીપુલ પાસે વહેલી સવારે એક ખાનગી સિક્યુરિટી ગાર્ડ પગપાળા પસાર થઇ રહ્યા હતા, ત્યારે લપસી જવાથી તેઓ નાળામાં ફસાયા હતા. લોકોએ તેમને બચાવવા પ્રયત્ન કર્યો હતો અને ફાયર બ્રિગેડની પણ મદદ લેવાઈ હતી પરંતુ તેઓને બહાર કાઢ્યા ત્યાં સુધીમાં તેમનું મૃત્યુ થઈ ચૂક્યું હતું.
વડોદરા વરસાદી કાંસમાં પડી જતા સિક્યુરિટી ગાર્ડનું મોત
જો કે વડોદરા શહેરમાં વરસાદથી કોઈનું મોત થયું હોય તેવી પ્રથમ ઘટના છે. વડોદરા શહેરના નિચાણવાળા વિસ્તાર અને અંડરપાસ ગરનાળામાં વરસાદી પાણી ફરી વળતા વાહન વ્યવહારને પણ અસર પહોંચી હતી. વરસાદને કારણે શહેરના અલકાપુરી ગરનાળામાં પાણી ભરાતા વાહન વ્યવહાર બંધ થઇ ગયો હતો.
