વિસ્તારમાં રહેતા કેદારભાઇ બુમીયા સાથેની વાતચીતમાં જણાવ્યું હતું કે, છેલ્લા 7 વર્ષથી આ વિસ્તારમાં ડ્રેનેજની સુવિધાઓ માટે વુડાની કચેરીના ધક્કા ખાઇને કંટાળી ગયાં છે. અનેક વખત લેખીક અને મૌખિક તમામ રજૂઆતો કરવા છતાં કોઇ યોગ્ય નિકાલ મળ્યો નથી. થોડા સમય પહેલા વુડા કચેરીના અધિકારીઓએ કહ્યું કે તમારો વિસ્તાર વુડામાં નહીં ગ્રામપંચાયતમાં આવે છે. જોકે ગ્રામપંચાયતનો અમે વેરો ભરીએ છીએ. પરંતુ, તેમની પાસે ડ્રેનેજની સુવિધા ઉભી કરવા જેટલું ફંડ નથી.
આ વિસ્તારમાં રૂ. 25 લાખથી લઇને દોઢ કરોડની કિંમતના બંગલા અને ફ્લેટ છે, પણ ડ્રેનેજની કોઇ સુવિધા નથી, તદઉપરાંત રસ્તાન્ પણ કોઇ ઠેકાણા નથી. કાંચા રસ્તાઓ પર દુષિત પાણી ફેલાતા વાહન લઇને પસાર થવું મુશ્કેલ બન્યું છે.
છેલ્લા 3 વર્ષથી સરકારી કચેરીના ધક્કા ખઇને કંટાળી ગયા છે. જેથી પ્રધાનમંત્રીને ઓનલાઇન આમંત્રણ પાઠવ્યું છે કે, સબકા સાથ સબકા વિકાસના સૂત્રને ધ્યાનમાં રાખી ડ્રેનેજના ખાડા અમે જાતે ખોદીશું, તમારા સ્વચ્છ ભારત અભિયાનને અમે આવકારીયે છીએ, તમે સમય આપો અને આવો ડ્રેનેજના ખાડા અમે જાતે ખોદીશું.
અત્રે ઉલ્લેખનિય છે કે, લોકસભાની ચૂંટણી વખતે કલાલી વિસ્તારમાં રહેતા રહીશોએ ડ્રેનેજ, રોડની સુવિધા ન મળતા વિરોધ નોંધાવ્યો હતો. ભાયલીની જેમ કલાલી વિસ્તારમાં પણ ડ્રેનેજ અને રોડ રસ્તાની કોઇ સુવિધા ઉપલબ્ધ નથી, ત્યારે ટુંક સમયમાં આજ પ્રકારની પરિસ્થિતી આ વિસ્તારમાં સર્જાય તો નવાઇ નહીં.
