- ખેડૂતોના ભારત બંધના એલાનને વડોદરા કોંગ્રસે આપ્યું સમર્થન
- જાંબુવાથી તરસાલી તરફ જતા હાઈવે પર ટાયરો સળગાવાયા
- કોંગ્રેસના કાર્યકર્તાઓએ ચક્કાજામ કરી ઉગ્ર સૂત્રોચ્ચાર કર્યાવડોદરામાં કોંગ્રેસે જાંબુવાથી તરસાલી હાઈવે પર ચક્કાજામ કરતા ટ્રાફિકજામ થયો
વડોદરાઃ નવા કૃષિ કાયદાના વિરોધમાં અપાયેલા ભારત બંધના સમર્થનમાં વડોદરામાં કોંગ્રેસ દ્વારા વિરોધ પ્રદર્શન કરવામાં આવ્યું હતું, જેને પગલે વડોદરા નજીક નેશનલ હાઈવે પર જાંબુવા બ્રિજથી તરસાલી તરફના હાઈવે પર કોંગ્રેસના હોદ્દેદારો અને કાર્યકરોએ ટાયરો સળગાવીને વિરોધ કર્યો હતો. આથી હાઈવે પર ટ્રાફિકજામ થયો હતો.
નેશનલ હાઈવે નંબર 8 પર કલાકો સુધી રહ્યો ટ્રાફિકજામ
કેન્દ્ર સરકાર દ્વારા લાવવામાં આવેલા નવા કૃષિ કાયદાને લઈને વડોદરામાં મંગળવારે 10 ટ્રેડ યુનિયન, 15 જેટલા રાજકીય પક્ષો અને 200થી વધુ ખેડૂત સંગઠનોએ બંધ પાળ્યું હતું. આ ધરણાં પ્રદર્શન કરવાનો કાર્યક્રમ જાહેર કર્યો હતો, જેના ભાગરૂપે કોંગ્રેસ પક્ષ દ્વારા ભારત બંધને સફળ બનાવવાના પ્રયત્નો સવારથી શરૂ થઈ ગયા હતા. જ્યારે ભારતીય જનતા પાર્ટીના આગેવાનોએ વેપારી મંડળો સહિત વિવિધ સંગઠનોના આગેવાનો સાથે બેઠકનો દોર યોજી બજારો ખૂલ્લા રાખવા સમજાવ્યા હતા.
સી.આર. પાટિલે ભાજપના વિવિધ કિસાન નેતાઓ સાથે કોન્ફરન્સ કરી ખેડૂત આંદોલનને ગુજરાતમાં નિષ્ફળ બનાવવા યોજના બનાવી હતી
ગુજરાતમાં સ્થાનિક સ્વરાજ્યની સંસ્થાઓની ચૂંટણીઓ ફેબ્રુઆરીમાં યોજાઈ શકે છે. સરકારના સૂત્રોના જણાવ્યા અનુસાર, ગુજરાત સરકાર હવે ખેડૂતો માટે કેન્દ્ર અને રાજ્ય સરકારની વિવિધ યોજનાઓની યાદી બનાવવા કામે લાગી ગઈ છે. આ ઉપરાંત ટૂંક સમયમાં જ ખેડૂતો માટેની વિવિધ બજેટ યોજનાઓ તથા તેમને મળવાપાત્ર વળતર ઉપરાંત અન્ય જાહેરાતો હવે ટૂંક સમયમાં થવા લાગશે. આ સાથે હવે ભાજપ પ્રમુખ સી.આર. પાટિલે બેઠકો કરીને રણનીતિ ઘડવાનું શરૂ કર્યું છે. સોમવારે સી. આર પાટિલે ભાજપના વિવિધ કિસાન નેતાઓ સાથે કોન્ફરન્સ કરી ખેડૂત આંદોલનને ગુજરાતમાં નિષ્ફળ બનાવવા યોજના બનાવી હતી. નવા કૃષિ કાયદાના વિરુદ્ધમાં મંગળવારે 8 ડિસેમ્બરે ઓલ ઈન્ડિયા ખેડૂત સંઘર્ષ સંકલન સમિતિએ બંધના એલાનની જાહેરાત કરી હતી. જેના સમર્થનમાં કોંગ્રેસ સહિતના 20 જેટલા રાજકીય પક્ષો અને 10 ટ્રેડ યુનિયન પણ જોડાયા હતા.
