ગુજરાતમાં પણ લવજેહાદ અંગે કાયદો બનાવવો જોઈએ: ડભોઈ ધારાસભ્ય

ઉત્તરપ્રદેશ લવ જેહાદ સામે કડક કાયદો બનાવવામાં આવ્યો છે. યુપી સરકારના આ નિર્ણયનો ડભોઈના ધારાસભ્ય શૈલેષ મહેતા દ્વારા આવકારવામાં આવ્યો છે. આ સાથે જ તેમણે ગુજરાતમાં પણ આ કાયદો લાવવા માટે માગ કરી છે.

• ઉત્તરપ્રદેશ બાદ ગુજરાતમાં પણ લવજેહાદ કાયદો બનાવવાની માંગ ઉઠી
  
• ડભોઈના ધારાસભ્યએ માંગ કરી
  
• લવ જેહાદના યુપી સરકારના કાયદાને આવકાર્યો
  
  
  
  
  ડભોઈઃ ઉત્તરપ્રદેશની યોગી આદિત્યનાથ સરકાર દ્વારા લવજેહાદ મામલે કાયદો બનાવતાં હવે ગુજરાતમાં પણ લવજેહાદ અંગે કાયદો બનાવવાની માંગ ઉઠી છે. ડભોઈના ધારાસભ્ય શૈલેષભાઈ મહેતાએ આ મામલે પ્રતિક્રિયા આપતા જણાવ્યું હતું કે, ગુજરાતમાં પણ લવ જેહાદ અંગેનો કાયદો બનાવવો જોઈએ. જે પ્રકારે લવ જેહાદના મામલા વધી રહ્યા છે ત્યારે સ્પષ્ટ માંગ છે કે ગુજરાત સરકાર વિચારીને કાયદો બનાવે તેમજ શૈલેષ સોટ્ટાએ યુપી સરકારના નિર્ણયને આવકારદાયક ગણાવ્યો હતો.

ધારાસભ્યએ યુપી સરકારના નિર્ણયને આવકારદાયક ગણાવ્યો

ડભોઈના ભાજપના ધારાસભ્ય શૈલેષ મહેતા ( સોટ્ટા ) એ લવજેહાદનો મુદ્દો છેડ્યો છે. ભાજપના ધારાસભ્યએ કહ્યું ગુજરાતમાં લવ જેહાદના કિસ્સાઓ વધ્યા છે. જેથી ગુજરાતમાં લવ જેહાદનો કાયદો બનવો જોઈએ. અમે સરકારને રજૂઆત કરીશું શૈલેષ મહેતાએ કહ્યું ગુજરાતમાં લવ જેહાદના કિસ્સાઓ વધ્યા છે. ઉલ્લેખનીય છે કે ગત મંગળવારે 24 ઓક્ટોબરે ઉત્તર પ્રદેશ કેબિનેટે લવ જેહાદ પર અધ્યાદેશને મંજૂરી આપી હતી.

ત્યાર બાદ આને રાજ્યપાલની પાસે પારિત કરાવવા માટે મોકલવામાં આવ્યો હતો. રાજ્યપાલ આનંદીબહેન પટેલે આજે આ અધ્યાદેશને મંજૂરી આપી દીધી છે. અધ્યાદેશમાં જણાવ્યાનુસાર છેતરપિંડીથી ધર્મ પરિવર્તન કરાવવા પર 10 વર્ષની સજા થશે. આ ઉપરાંત સહમતિથી ધર્મ પરિવર્તન માટે જીલ્લાધિકારીને બે મહિના પહેલા સૂચના આપવાની રહેશે. આવો જ કાયદો ગુજરાતમાં પણ લાવવામાં આવે તેવી ધારાસભ્ય શૈલેષ સોટ્ટાએ માંગણી કરી છે.