વડોદરામાં અવિરત વરસાદ, આજવા ડેમની સપાટી વધીને 210.95 ફૂટ, વિશ્વામિત્રી નદીની સપાટી 16 ફૂટ થઈ

વડોદરા શહેર અને જિલ્લામાં અવિરત વરસી રહેલા વરસાદને લઈ વડોદરાની જીવાદોરી સમાન આજવા ડેમની સપાટી વધીને 210.95 ફૂટે પહોંચી છે. જયારે વિશ્વામિત્રી નદીની સપાટી 16 ફૂટ થઈ છે.

વડોદરા: શહેર અને જિલ્લામાં ભારે વરસાદ અને આજવા ડેમના ઉપરવાસમાં ભારે વરસાદને પગલે વિશ્વામિત્રી નદીની સપાટીમાં સતત વધારો થઇ રહ્યો છે. વિશ્વામિત્રી નદીની સપાટી હાલ 16 ફૂટે પહોંચી છે.

વડોદરા શહેરની જીવદોરી સમાન આજવા ડેમની સપાટી 210.95 ફૂટે પહોંચી છે. જેને પગલે વડોદરા શહેરને પીવાના પાણીની ચિંતા ટળી ગઇ છે. છેલ્લા 24 કલાકમાં વડોદરા શહેરમાં 3 ઇંચ વરસાદ વરસ્યો છે. તો વડોદરા જિલ્લામાં પણ એકથી અઢી ઇંચ વરસાદ વરસાદ વરસ્યો છે.