વડોદરાઃ ક્રાઇમ બ્રાંચના પી.આઇ. જે.જે. પટેલને મળેલી બાતમીના આધારે ક્રાઇમ બ્રાંચની ટીમે શહેરના પરશુરામ ભઠ્ઠા વિસ્તારમાં વોચ ગોઠવી હતી. જેમાં ઓન ડ્યુટી એસ.એસ.જી હોસ્પિટલનું બોર્ડ લગાવીને પરશુરામ ભઠ્ઠા, મારવાડી મહોલ્લામાંથી નીકળેલી કારને રોકી હતી. કારમાં તપાસ કરતા કારમાં બનાવેલા ચોરખાનામાંથી રૂપિયા 7,900ની કિંમતની વિદેશી દારૂની 158 બોટલ મળી આવી હતી.
વડોદરામાં કાર પર હોસ્પિટલનું નકલી બોર્ડ લગાવી દારૂની હેરાફેરી કરતા બે બુટલેગરોની ઝડપી પાડ્યા લોકડાઉનમાં પોલીસને ગેરમાર્ગે દોરવા માટે સરકારી બોર્ડનો ઉપયોગ કરીને વિદેશી દારૂની હેરાફેરી કરી રહેલા બુટલેગર રવિ ભવરસિંહ રાજપુત અને નટુ રણછોડ મારવાડીની ધરપકડ કરી હતી. મહેન્દ્ર ઉર્ફ બેલકીયો મોહન મારવાડી (રહે. મારવડાવી મહોલ્લો, રામાપીરના મંદિર પાસે, વડોદરા)ને વોન્ટેડ જાહેર કરી શોધખોળ હાથ ધરી છે. પોલીસે કારમાંથી દારૂ ઉપરાંત એક મોબાઇલ ફોન તેમજ રૂપિયા 2 લાખની કિંમતની કાર મળી કુલ રૂપિયા 2,12,900નો મુદ્દામાલ કબજે કર્યો હતો. પોલીસે બુટલેગરો સામે ગુનો નોંધી કાર્યવાહી હાથ ધરી હતી.
