વડોદરા ગુજરાતમાં નેતાઓ મોટી મોટી વાતો તો કરે છે કે ગુજરાતમાં દારૂબંધી છે. પરંતુ આ વાતો રાજકારણ સુધી જ સારી લાગે છે. કેમકે ગાંધીના ગુજરાતમાં દારૂબંધી(Liquor ban in Gujarat) હોવા છતા અનેક વાર દારૂબંધી હોવા છતા અનેકો વાર દારૂના જથ્થાઓ કે પછી ભઠ્ઠીઓ ઝડપી પાડવામાં આવતી હોય છે.
દેશીદારૂની ભઠ્ઠીઓ ડભોઇ નજીક પલાસવાડાની સીમમાં (Palaswada seam near Dabhoi) દેશી દારૂની ભઠ્ઠીઓ ઉપર સ્ટેટ વિજિલન્સની ટીમે દરોડા પાડયા હતા. પલાસવાડા ગામની સીમમાં દેશીદારૂની ભઠ્ઠીઓ ધમધમતી હોવાની સ્ટેટ વિજિલન્સની ટીમને બાતમી મળી હતી. જેના આધારે ડી.જી. સ્કવોડે છાપો મારતાં 4500 લિટર વોશ, 140 લિટર દેશી દારૂ ,બે વાહનો, મોબાઇલ નંગ-02, રોકડ, લોખંડના પીપ, કેરબા સહિત કુલ મુદ્દામાલ જેની કિંમત રૂપિયા. 68,000 સહિત પાંચ આરોપીઓને સ્થળ ઉપરથી ઝડપી પાડ્યા હતા. દારૂ લેનારા ત્રણને ભાગેડુ જાહેર કરી કુલ 8 સામે ગુનો નોધી કાયદેસરની કાર્યવાહી હાથ ધરી હતી. ઝડપાયેલા આરોપીઓને વાઘોડિયા પોલીસને સુપરત કરતાં પોલીસે આગળની તપાસ હાથ ધરી છે.
ટીમે વોચ ગોઠવી સ્ટેટ વિજિલન્સની ટીમે(State Vigilance Team) વોચ ગોઠવી છાપો માર્યો ડભોઇ વડોદરા માર્ગ પર આવેલ પલાસવાડા ગામની સીમમાં દેશીદારૂની ભઠ્ઠીઓ ધમધમતી હોવાની સ્ટેટ વિજિલન્સની ટીમને બાતમી મળી હતી. જેના આધારે સ્થળની રેકી કરાવતાં દેશી દારૂ ગાળવાની પ્રવૃત્તિઓનો બેફામ વધારો થઈ રહ્યો હોવાની વિગતો મળી હતી. જેમાં ગુનાહિત પ્રવૃત્તિઓ કરતાં તત્વોની જીગર પણ ખૂલી ગઈ છે એવું ફલિત થયું હતું. જેથી સ્ટેટ વિજિલન્સની ટીમે ખાનગી વાહનોમાં દિવાળીપુરા માર્ગ ઉપર આવી વાહનો માર્ગની બાજુમાં ઉભા કરી દઈ પગપાળા દારૂ ગાળવાની જગ્યાએ પહોંચ્યા હતા.
દેશીદારૂ બનાવવાની પ્રવૃત્તિ જ્યાં પાંચ જેટલા ઇસમો દેશીદારૂ બનાવવાની પ્રવૃત્તિ કરી રહ્યા હતા. પોલીસે (Vadodara Police) ઘેરો ઘાલી તમામને ઝડપી નામઠામ પૂછતા તેઓએ પોતાના નામ અજીત પાટણવાડીયા, જય પાટણવાડીયા, સુરેશ પાટણવાડીયા, લક્ષ્મણ રાઠોડીયા, અરવિંદ રાઠોડીયા તમામ રહે. દિવાળીપુરા, તા.જિ. વડોદરાના હોવાનું જણાવ્યું હતું. જ્યારે દેશીદારુનો માલ રાખનારા સૂરજ ઉર્ફે ચુઇ કહાર, રહે. વડોદરા શહેર, રજનીકાંત જયસ્વાલ, રહે.રતનપુર તેમજ ઉર્વશી સોલંકી રહે. કેલનપુરને ભાગેડુ જાહેર કરી તમામ વિરુદ્ધ પ્રોહિબિશનની કલમો હેઠળ ગુનો નોંધી શોધખોળ હાથ ધરી છે.
બૂટલેગરોમા ફફડાટ ડભોઇના ગ્રામ્ય વિસ્તારોના કોતરોમા હિન્દી ફિલ્મની ઢબે દેશીદારૂની ભઠ્ઠીઓ ધમધમી રહી છે. જેમાં શિરોલા, કરણેટ, કરણેટ વસાહત, સિતપુર વસાહત, વડજ વસાહત, બોરીયાદ વસાહત અને ડભોઇ નગરમાં દેશી અને વિદેશી દારૂનો(Domestic and foreign liquor) વેપલો ધૂમ વ્યાપક પ્રમાણમાં થઈ રહયો છે. ત્યારે પલાસવાડા ગામે સ્ટેટ વિજિલન્સે છાપો મારતાં જિલ્લા એલસીબી સહિતની ટીમો દોડતી થઇ ગઇ હતી. વિજિલન્સની રેડથી બૂટલેગરોમા ફફડાટ વ્યાપી જતા તાત્કાલિક તેઓ ચેતી ગયાં છે.
સન્નાટો થોડા સમય સુધી પરંતુ આ સન્નાટો થોડા સમય સુધી ચાલશે પછી તો પાછી આવી પ્રવૃત્તિઓની ગાડી પાટે ચડી જશે તેવુ લોક મૂખે ચર્ચા ચાલી રહયું છે. આ બધું થોડા સમય પૂરતું બધું બંધ રહેશે થોડોક સમય થશે અને પાછું આ બધું ધમધમતું થઈ જતું હોય છે. તંત્ર આ બાબતે સતત કડકાઈ અને તકેદારી રાખે તો જ આ વેપલો કાયમ માટે બંધ થાય. હાલ તો નવયુવાન પેઢી આ માર્ગે જતી રહી છે અને વિનાશ નોતરે છે.
