સુરેન્દ્રનગર સંદેશ યાત્રાનું જિલ્લા કોંગ્રેસ દ્વારા સ્વાગત

સુરેન્દ્રનગરઃ સમગ્ર દેશમાં 150મી મહાત્માં ગાંધી જયંતિની ઉજવણી કરવામાં આવી રહી છે, ત્યારે ક્રોગ્રેસ દ્વારા ગાંધી સંદેશ યાત્રાનું આયોજન કરવામાં આવ્યું હતું. જે પોરબંદરથી નીકળીને સાબરમતી અમદાવાદ ખાતે પહોંચશે.

આ યાત્રા મંગળવારે સુરેન્દ્રનગર ખાતે પહોંચી હતી. જેમાં વિરોધપક્ષ નેતા પરેશ ધાનાણી, ધારાસભ્ય રૂતિક મકવાણા, નૌશાદ સોલંકી સહિત ક્રોગ્રેસ આગેવાનો ઉપસ્થિત રહ્યા હતાં. બાઈક રેલી સમગ્ર સુરેન્દ્રનગરમાં ફરી હતી અને લોકો ગાંધી વિચાર સાથે ચાલે તે માટે આ રેલી યોજી હતી. રેલીને લઇને વિરોધ પક્ષના નેતા પરેશ ધાનાણીએ જણાવ્યું હતું કે લોકોમા ગાંધીજીના વિચારોથી ચાલે તે ઉદ્દેશથી આ ગાંધી સંદેશ યાત્રા યોજવામાં આવી હતી.