ચોટીલાના જવાન ભાવેશ રાઠોડ થયા શહીદ, જમ્મુ-કાશ્મીરમાં હતી પોસ્ટિંગ

ચોટીલાઃ ચોટીલાના કુંઢડા ગામનો એક જવાન શહીદ થયો છે. આ જવાનનું નામ ભાવેશ રાઠોડ હતું. જેની જમ્મુ-કાશ્મીરની બટાલિયનમાં પોસ્ટિંગ હતી.

આ જવાન 23 મરાઠા લાયનનો જવાન હતો. જવાન પોતાની ફરજ પર હતો ત્યારે વિજળીનો વાયર તેની પર પડતા શોર્ટને કારણે શહીદ થયો છે.

આ જવાનનો પાર્થિવ દેહ શુક્રવારે પોતાના વતન એવા કુંઢડા ગામે લાવવામાં આવશે. હાલ સમગ્ર ચોટીલા તાલુકામાં શોકનો માહોલ સર્જાયો છે. શુક્રવારે આ જવાનને ગાર્ડ ઓફ ઓનર આપવામાં આવશે.