સુરેન્દ્રનગરથી અમદાવાદ જવા માટે વાયા લખતર અને લીંબડી થઇ એમ બે રીતે જઇ શકાય છે. જેમા લીંબડી હાઇવે 4 માર્ગીય હોવાથી લોકો તેમા જવાનું વધુ પસંદ કરે છે.
પરંતુ હવે વાયા લખતર થઇ જતો રસ્તો પણ ચાર માર્ગીય બનવા પર છે. સુરેન્દ્રનગરથી વિઠ્ઠલગઢ સુધી 40 કિમી રસ્તાને 4 માર્ગીય બનાવવા માટે વઢવાણના ધારાસભ્ય ધનજીભાઇ પટેલે રાજય સરકારમાં લેખીત રજૂઆત કરી હતી.
આ રજૂઆતને માન્ય રાખી મુખ્યપ્રધાન વિજય રૂપાણી અને નાયબ મુખ્યપ્રધાન નિતીનભાઇ પટેલે 40 કિમીના સુરેન્દ્રનગરથી વિઠ્ઠલગઢ સુધીના રસ્તાને 4 માર્ગીય બનાવવાની સૈદ્ધાંતિક મંજૂરી આપી છે.
