સુરતમાં કેબલ બ્રિજને જકડીને રાખે તે માટે લગાવેલા પાર્ટ્સની ચોરી

કેબલ સ્ટેઇડના કીંમતી પાર્ટની ચોરી થતા સુરત મહાનગરપાલિકાના અધિકારીઓ હરકતમાં આવ્યા છે. કેબલ સ્ટેઇડ પુલને પિલર સાથે રાખતી પિન ચોરાઇ ગઇ છે, એટલું જ નહીં રાતના સમયે ચોર ટોળકીએ કોંક્રિટ પર લાગી ઇન્સ્પેકશન વિન્ડોની પિન પણ ચોરાઈ ગઈ છે.

• કેબલ બ્રિજના ઇન્સ્પેક્શન વિન્ડોના લોખંડના ફેમિંગ ચોરાઇ ગયા
• બ્રિજના કોંક્રિટના સ્ટ્રક્ટર તોડવાની ઘટના બની છે
• લાઇટ ચોરાતા પાલિકાએ પોલીસ ફરિયાદ નોંધાવી હતી

સુરત: રાજ્યના પહેલા કેબલ સ્ટેઇડ તાપીપુલની સલામતીમાં ગંભીર ક્ષતિ બહાર આવી છે. કેબલ બ્રિજ અન્ય પરંપરાગત બ્રિજ કરતા અલગ પ્રકારનું સ્ટ્રકચર હોવા છતાં તેની સુરક્ષા સાથે ચેડાં થઇ રહ્યા છે. કેબલ બ્રિજ સ્ટ્રક્યર દોરડા પર ટકેલું છે. કેબલ બિજને પકડીને ટકાવી રાખે તેવા પાર્ટની ચોરી થવા લાગી છે.

ત્રણ વર્ષમાં કેબલ સ્ટ્રકચરમાં ચોરી અને તોડફોડના બનાવ

અંધારામાં ચોર ટોળકી પિન કાપીને ફરાર થઈ ગયા હતા. કેબલ બ્રિજના ઇન્સ્પેક્શન વિન્ડોના લોખંડના ફેમિંગ ચોરાઇ ગયા છે. ઇસ્પેક્શન વિન્ડો પર ઉતરીને લોખંડના ઢાંકણા ચોરાઈ જાય ત્યાં સુધી પાલિકાને ખબર પડી ન હતી. સૌથી ગંભીર બાબતએ છે કે બ્રિજના કોંક્રિટના સ્ટ્રક્ટર તોડવાની ઘટના બની છે. કેબલ બિજના છેડાના ભાગમાં કોંક્રિટ તોડવામાં આવ્યું છે. કેબલ બિજના સ્ટ્રક્ટર સાથે ચેડાં કરતી સતત ત્રણ ઘટના બનતા પાલિકાની ઊંઘ હરામ થઇ ગઇ છે.

બે વર્ષ પહેલાં બ્રિજની લાઇટિંગ ચોરાઈ ગઈ હતી

કેબલ બ્રિજની સુંદરતા વધારવા માટે લગાડવામાં આવેલી લાઇટ બે વર્ષ પહેલાં ચોરાઇ ગઇ હતી. કેબલ બ્રિજ પર રોશની કરવા માટે પાલિકાએ લાઇટ લગાડી હતી. રાતના અંધારામાં ચોરો લાઇટ ચોરી ગયા હતા. લાઇટ ચોરાતા પાલિકાએ પોલીસ ફરિયાદ નોંધાવી હતી, પરંતુ આજ સુધી ચોર પકડાયા નથી. લાઇટ ચોરાઈ જતા બે વર્ષથી કેબલ બ્રિજ પર લાઇટિંગ કરવામાં આવી નથી, દિવાળી વખતે કામચલાઉ ધોરણે લાઇટ લગાડવામાં આવે તેવી આશા છે. પરંતુ શહેરના નજરાણા સમાન બ્રિજ પર દિવાળી સિવાયના દિવસોમાં લાઇટિંગ હોતી નથી. તો હવે સમ્રગ બાબત સામે આવતા જોવુ રહ્યું કે હજી ક્યાં લાઇટિંગની કામગીરી હાથ ધરશે
આ પણ વાંચોઃ ગાંધીનગર ખાતે બન્યું દેશનું પહેલું સ્માર્ટ રેલવે સ્ટેશન, જુઓ શું છે ખાસ વિશેષતા...

આ પણ વાંચોઃ વડાપ્રધાન નરેન્દ્ર મોદી 1 જાન્યુઆરીના રોજ 6 રાજ્યોમાં લાઇટ હાઉસ પ્રોજેક્ટ્સનો શિલાન્યાસ કરશે