સલાબતપુરા પોલીસનો સ્ટાફ પેટ્રોલિંગમાં હતો ત્યારે તેમને બાતમી મળી કે, મુસ્તાક ઉર્ફ બાણગુ નામનો યુવક પિસ્તોલ અને ચપ્પુ લઈને મોપેડ પર સલાબતપુરા રિંગરોડથી ભેસ્તાન આવાસ જવાનો છે. તેથી બાતમીના આધારે મંગળવારે સલાબતપુરા પોલીસે રિંગરોડ પરથી આરોપી મુસ્તાક ઉર્ફ બાણગુ મોહમંદ હુસેન શેખની ધરપકડ કરી હતી. પોલીસને તેની પાસેથી એક સેમી ઓટોમેટીક ટ્રિગરવાળી પિસ્તોલ અને બે કાર્ટીઝ અને એક છુરો મળી આવ્યો હતો.
સુરત પોલીસે સેમી ઓટોમેટિક પિસ્તોલ સાથે આરોપીને ઝડપી પાડ્યો
પોલીસ તપસામાં આરોપીની કડક પૂછપરછ કરતા તેને જણાવ્યું કે, તમંચો લિંબાયતના સંગમ બેન્ડવાળા મોહસીન સંગમ અને મોહમદ હાસીમે આપી હતી. હાલ પોલીસે આ આરોપીના રિમાન્ડ મેળવી વધુ તપાસ હાથ ધરી છે.
