સુરતમાં અલગ અલગ વ્યવસાય સાથે સંકળાયેલા લોકોના રેપિડ ટેસ્ટ કરવાની કામગીરી ઝડપી

સુરત પાલિકાના આરોગ્ય વિભાગની ટીમ દ્વારા અલગ અલગ વ્યવસાય સાથે સંકળાયેલા લોકોના રેપિડ ટેસ્ટ કરવાની કામગીરી વધુ તેજ બનાવવામાં આવી છે. જેના ભાગરુપે આજે ખાણી-પીણીની લારીઓ ચલાવતાં લોકોના રેપિડ ટેસ્ટ કરવામાં આવ્યાં હતાં.

સુરત: સુપર સ્પ્રેડરોને શોધી કાઢવા માટે પાલિકાના આરોગ્ય વિભાગની ટીમ દ્વારા અલગ અલગ વ્યવસાય સાથે સંકળાયેલા લોકોના રેપિડ ટેસ્ટ કરવાની કામગીરી વધુ તેજ બનાવવામાં આવી છે. જેના ભાગરૂપે આજ રોજ ખાણી-પીણીની લારીઓ ચલાવતાં લોકોના રેપિડ ટેસ્ટ કરવાની કામગીરી કુલ આઠ જેટલા ઝોનમાં કરવામાં આવી રહી છે.

સુરતના અઠવા ઝોન વિસ્તારમાં આવેલી ખાણી-પીણીની લારીઓ ધરાવતા લોકોના સુરત મહાનગરપાલિકાના આરોગ્ય વિભાગની ટીમ દ્વારા રેપિડ ટેસ્ટ કરાવવામાં આવ્યા હતા. માત્ર અઠવા ઝોનના કે.પી.કોમર્સ કોલેજ નજીક ધન્વંતરી રથ દ્વારા સવારથી બપોર સુધીમાં 45 જેટલા લોકોના રેપીડ એન્ટીજન ટેસ્ટ કરવામાં આવ્યા હતા. જેમાં એક કેસ કોરોના પોઝિટિવ મળી આવતા યુવકને તાત્કાલિક 108ની મદદથી સમરસ હોસ્ટેલમાં હોમ આઇસોલેશન હેઠળ ખસેડવામાં આવ્યો હતો.

શહેરના કુલ આઠ ઝોનમાં રેપીડ એન્ટીજન ટેસ્ટની કામગીરી 12 મી સપ્ટેમ્બરથી હાથ ધરવામાં આવી છે. શહેરમાં કોરોનાના સંક્રમણને અટકાવવા પાલિકા દ્વારા ખાસ સુપર સ્પ્રેડરોને શોધી કાઢવા રેપીડ ટેસ્ટની કામગીરી તેજ બનાવવામાં આવી છે.