તાતીથૈયાના કેપનીમાં ગરમ પાણીની પાઇપલાઇનનું ઢાંકણ ખૂલી જતાં 5 કામદારો દાઝ્યા

બારડોલીના તાતીથૈયા ખાતે આવેલી કેજરીવાલ ઈન્ડસ્ટ્રીઝમાં ગરમ પાણીની પાઇપલાઇનનું ઢાંકણ ખૂલી જતાં 5 કામદારો દાઝી ગયા હતા. આથી, તેમને કડોદરાની ખાનગી હોસ્પિટલમાં દાખલ કરવામાં આવ્યા છે. આ બાદ, પોલીસે જાણવા જોગ ફરિયાદ નોંધી આગળની તપાસ હાથ ધરી છે.

• ગરમ પાણીની લાઇનનું ઢાંકણ ખૂલી જતાં 5 કામદારો દાઝ્યા
• કડોદરાની ખાનગી હોસ્પિટલમાં દાખલ કરવામાં આવ્યા
• પોલીસે પ્રાથમિક તબક્કે ફરિયાદ નોંધી આગળની તપાસ હાથ ધરી

બારડોલી: સુરત જિલ્લાના પલસાણા તાલુકાનાં તાતીથૈયા ખાતે આવેલા કેજરીવાલ ઈન્ડસ્ટ્રીઝ નામની કંપનીમાં ગરમ પાણીની લાઇનનું ઢાંકણ ખૂલી જતાં 5 કામદારો ગંભીર રીતે દાઝી ગયા હતા. આ બાદ, સારવાર માટે કડોદરાની ખાનગી હોસ્પિટલમાં ખસેડવામાં આવ્યા હતા.

આ પણ વાંચો: તાપીના વ્યારામાં બિલ્ડર નિશિષ શાહની હત્યાનો ભેદ ઉકેલાયો

કંપનીના 5 કામદારો ગંભીર રીતે દાઝ્યા

સુરત જિલ્લાના પલસાણા તાલુકાનાં તાતીથૈયા ખાતે આવેલ કેજરીવાલ ઈન્ડસ્ટ્રીઝમાં શુક્રવારે સવારે 10:30 વાગ્યે અચાનક કંપનીમાં આવેલી ગરમ પાણીની લાઇનનું ઢાંકણ આકસ્મિક રીતે ખૂલી ગયું હતું. જેમાંથી, ગરમ પાણીના ફુવારા ઊડતા નજીકમાં કામ કરતાં 5 કામદારો ગંભીર રીતે દાઝી ગયા હતા. આથી, કડોદરાની ખાનગી હોસ્પિટલમાં ખસેડવામાં આવ્યા હતા. આ બનાવ અંગે કડોદરા પોલીસે પ્રાથમિક તબક્કે જાણવા જોગ ફરિયાદ નોંધી આગળની તપાસ હાથ ધરી છે.

આ પણ વાંચો: બારડોલી સહિત સુરત જિલ્લામાં કેળાના પાકને વ્યાપક નુકસાન : ખેડૂતોની હાલત કફોડી