દેશ ભરમાં હાલ ડિજિટલ ઇન્ડિયાની વાતો થઈ રહી છે. વડાપ્રધાન પણ ડિઝિટલ ઈન્ડિયા ઉપર ભાર મુકી રહ્યા છે. સુરત જિલ્લાની સરકારી શાળાએ વડાપ્રધાનને પહેલને અમલી બનાવી છે. દક્ષિણ ગુજરાતના સુરત જિલ્લાની એક એવી પ્રાથમિક શાળા કે જેમાં ગરીબ વર્ગના વિદ્યાર્થીઓ ડિજિટલ રીતે અભ્યાસ કરી રહ્યા છે. પલસાણા તાલુકાના દસ્તાન ગામે આવેલી આ પ્રાથમિક શાળા.બાળકોને ટેકનોલોજી સાથે જોડવા આચાર્ય દ્વારા ડિજિટલ ટેકસબુક બનાવવામાં આવી છે. તેમજ વિવિધ પ્રકારની ટેકનોલોજી સાથે સરળતાથી અભ્યાસ કરાવામાં આવી રહ્યો છે. નાના બાળકોને દ્રશ્ય અને શ્રાવ્ય એમ બંને રીતે અભ્યાસ કરાવાય તો તેઓ સારી રીતે અભ્યાસ કરી શકે છે. વિદ્યાર્થીઓની અનુકૂળતા માટે બ્લેક બોર્ડને બદલે ડિજિટલ બોર્ડ મુકવામાં આવ્યા છે. જેના દ્વારા વિદ્યાર્થીઓને માર્ગદર્શન આપવામાં આવી રહ્યું છે.
દસ્તાન ગામની શાળાએ બ્લેક બોર્ડની કહ્યુ અલવિદા, ડિજિટલ સ્ક્રિન પર મેળવે છે શિક્ષણ
