ગુજરાતના મુખ્યપ્રધાન વિજય રૂપાણી દ્વારા નવલી નવરાત્રિના નવમે નોરતે ગુજરાતના લોકો માટે એક નવી પરંપરા શરૂ કરી હતી. જેમાં મુખ્યપ્રધાને 11 જેટલી દુર્ગા સ્વરૂપ બાલિકાઓની પૂજા કરી હતી અને તેજ દિવસે સમગ્ર ગુજરાતમાં 10 લાખ જેટલી બાલિકાઓની પૂજા કરવામાં આવી હતી. જે અનોખો રેકોર્ડ પણ છે.
માંગરોલમાં કેબિનેટ પ્રધાન ગણપત વસાવાએ 51 બાલિકાઓની પૂજા કરી
જેના ભાગરૂપે મંગળવારે સુરત જિલ્લાના માંગરોલ તાલુકામાં આવેલા બણભા ડુંગરના પરિસરમાં એક કાર્યક્રમ રાખવામાં આવ્યો હતો અને ગુજરાત સરકારના વનવિભાગ, મહિલા અને બાળવિકાસ પ્રધાન ગણપત વસાવાના હસ્તે દુર્ગા પૂજાની સાથે સાથે 51 બાળકીની પૂજા કરી હતી. આ સાથે જ બળકીઓનું સ્થાન સમાજમાં શું છે તે જણાવ્યું હતું. નવદુર્ગા બાલિકા પૂજનના કાર્યક્રમમાં વન વિભાગ, આરોગ્ય વિભાગ અને આંગણવાડીની મહિલાઓની ટીમે ખાસ હાજરી આપી હતી અને બાળકીઓને પ્રોત્સાહિત કરી હતી.
