સુરતના અઠવાલાઇન્સ ખાતેથી નીકળેલી આ યાત્રામાં એક સાથે છ પરિવારના દીક્ષા લેનાર મુમુક્ષોનો સમાવેશ થાય છે. જ્યારે 20થી વધુ આવા યુવક-યુવતીઓ છે કે, જેઓ ગ્રેજ્યુએટથી લઈ સી.એ કરી ચૂક્યા છે. તેમજ કોઈ ડાયમંડ અને ટેક્સટાઇલના પરિવારમાંથી છે. તો કોઈ હાઈપ્રોફાઈલ જોબ કરે છે.
1 ફેબ્રુઆરી જૈન ધર્મ માટે ખૂબ જ અગત્યનો પ્રસંગ રહેશે. કારણ કે આ દિવસે સૌથી વધુ મુમુક્ષો દીક્ષા લેવા જઈ રહ્યા છે. સુરતના વેસુ વિસ્તારમાં આચાર્ય શ્રી વિજય શ્રેયાંશપ્રભૂસુરીશ્વરજીના સાનિધ્યમાં 71 મુમુક્ષો જ્યારે પાલ રામ પાવન ભૂમિ ખાતે આચાર્ય અભયદેવસૂરીશ્વરજીના સાનિધ્યમાં 5 મુમુક્ષો ત્યારે પાલ ઓમકાસુરી આરાધના ભવન ખાતે 22 મુમુક્ષો આચાર્ય શ્રીયશોવીજયસુરીશ્વરજીના સાનિધ્યમાં દીક્ષા લેશે.
સુરતમાં યોજાનારી આ ઐતિહાસિક દીક્ષા સમારોહમાં 10થી લઇ 84 વર્ષના ભાઈ બહેનો છે. જેમાંથી 10 થી 17 વર્ષના 17 લોકો, 18 થી 45 વર્ષના 40 અને 40થી વધુ ઉંમરના તમામ લોકો છે. આ દીક્ષા કાર્યક્રમમાં 20 થી વધુ એવા યુવાનો છે. જે ગ્રેજ્યુએશન કરતા વધુ ભણતર ધરાવે છે. જેમાં કેટલાક CA અને હાઇ પ્રોફાઇલ જોબ કરે છે.
આ દરમિયાન 77 મુમુક્ષોની નીકળેલી ભવ્ય યાત્રા 2 કિલો મીટર લાંબી હતી. જેમાં અલગ અલગ ઝાંખીઓ જોવા મળી હતી.
