રંગીલા રાજકોટમાં બુટલેગરો સાથે હવે જુગરીઓ પણ બેફામ થયા હોવની ઘટના સામે આવી રહી છે. રાજકોટમાં પોલીસનો કોઈ ડર ન હોય એમ જુગારીઓ જાહેરમાં જુગાર રમતા ઝડપાઇ રહ્યા છે. શહેરની ભક્તિનગર પોલીસે ચાર ઇસમોને જાહેરમાં વર્લીફીચરના આંકડા લખાવીને જુગાર રમતા ચાર ઇસમોને ઝડપી પાડ્યા છે.
આ જુગારીઓની પોલીસ દ્વારા પૂછપરછ કરતા સામે આવ્યું છે કે, તેઓ એક મહિલાને આ આંકડા લખાવતા હતા. આમ રાજકોટ શહેરમાં મહિલા સંચાલિત જુગારધામનો પર્દાફાશ થયો છે. પોલીસ ચાર ઇસમનોની ધરપકડ કરી વધુ કાર્યવાહી હાથ ધરી છે. જ્યારે જુગારધામની મહિલા જીન્નત સીદીકિભાઈ માણેક હજુ ફરાર છે.
