સેન્ટ્રલ ગવર્મેન્ટમાં કલાસ 1 અને કલાસ 2 ની પોસ્ટ પર ડાયરેક્ટ ભરતી કરવા માટે UPSC દ્વારા પરીક્ષા યોજવામાં આવે છે. આ પરીક્ષા પાસ કરવી ખૂબ જ કઠિન હોય છે. ત્યારે ગુજરાતમાં આગામી 2 જુના રોજ UPSCની પરીક્ષા યોજવાની છે. જેમાં પણ સૌરાષ્ટ્રના એક માત્ર સેન્ટર એવા રાજકોટ ખાતે આ પરીક્ષા યોજવાની છે. ત્યારે રાજકોટ વહીવટી તંત્ર દ્વારા પરીક્ષા દરમિયાન કોઈ ગેરરીતિ ન સર્જાય તેમજ પરિક્ષાર્થીઓને કોઈ મુશ્કેલી ન પડે તે માટેની વ્યવસ્થા ગોઠવવામાં આવી છે.
2 જૂનના રોજ સૌરાષ્ટ્ર ભરમાંથી ઉમેદવારો પરીક્ષા આપવા માટે રાજકોટ ખાતે આવી પહોચશે. રાજકોટમાં કુલ અલગ અલગ 13 કેન્દ્રો પર આ પરીક્ષા યોજાવાની છે. ત્યારે સૌરાષ્ટ્રના 3 હજાર કરતા પણ વધારે ઉમેદવારો આ પરીક્ષા આપનાર છે. બીજી તરફ પોલીસ કમિશ્નર દ્વારા પણ જાહેરનામું પાડીને 2 જૂનના રોજ સવારે 8થી સાંજના 6 વાગ્યા સુધી શહેરમાં 144ની કલમ લાગુ કરવામાં આવી છે.
