રાજકોટના ઘેલા સોમનાથ મંદિરે મહાદેવને શિવ, પાર્વતી અને ગણેશજીનો શણગાર

પવિત્ર શ્રાવણ માસમાં શ્રદ્ધાળુઓ ભક્તિભાવ પૂર્વક ભોળાનાથની પૂજા અર્ચના કરતા હોય છે. દેશભરના દરેક શિવ મંદિર પર ભક્તો દર્શન માટે આવતા હોય છે. પરંતુ આ કોરોના મહામારીને કારણે સરકાર દ્વારા ધર્મસ્થાનો પર લોકોને એકઠા થવા પર પ્રતિબંધ મુકવામાં આવ્યો છે. ત્યારે, હવે રાજકોટના ઘેલા સોમનાથ મંદિરે આ શ્રાવણ માસમાં દરરોજ અલગ અલગ શણગાર કરવામાં આવે છે અને સોશિયલ મીડિયાના માધ્યમથી હજારો ભક્તો આ દર્શનનો લાભ લઇ રહ્યા છે.

રાજકોટ: શહેરમાં આવેલા ઘેલા સોમનાથ મંદિરમાં સોમનાથ મહાદેવને શિવપાર્વતી અને ગણેશજીનો શણગાર કરવામાં આવ્યો હતો. પૂજારી હસુભાઈ જોષી દ્વારા સોમનાથ દાદાને શ્રાવણ માસ દરમિયાન રોજ અલગ-અલગ શણગાર કરવામાં આવે છે. ત્યારે, સોશિયલ મીડિયાના માધ્યમથી હજારો ભક્તોએ દર્શનનો લાભ લીધો હતો.

કોરોના મહામારીને કારણે લોકો આ શ્રાવણ માસમાં મંદિરમાં જઇ શકતા નથી. તેથી મંદિર સંચાલન દ્વારા ભક્તો માટે ઓનલાઈન દર્શનનું આયોજન કરવામાં આવી રહ્યું છે. ભક્તો પણ મહાદેવના દર્શન કરી આ મહામારીનું સંકટ હરવા પ્રાથના કરી રહ્યા છે.