- રાજકોટમાં 21 નવેમ્બરથી કરફ્યૂ લાદવામાં આવ્યું
- રાત્રીના 9 વાગ્યા બાદ સવારના 6 વાગ્યા સુધી કરફ્યૂ
- કરફ્યૂનો રાજકોટ વાસીઓ કરી રહ્યા છે અમલ
રાજકોટઃ રાજકોટમાં 21 નવેમ્બરથી કરફ્યૂ લાદવામાં આવ્યું હતુ, ત્યારે રાજ્ય સરકાર દ્વારા લાદવામાં આવેલા કરફ્યૂનો પોલીસ દ્વારા ચુસ્તપણે અમલ કરવામાં આવી રહ્યો છે. રાજકોટમાં રાત્રીના 9 વાગ્યા બાદ સવારના 6 વાગ્યા સુધી કરફ્યૂ જાહેર કરાયું છે. જેનો રાજકોટ વાસીઓએ ચુસ્તપણે અમલ કરી રહ્યા છે. તેમજ રાત્રી દરમિયાન પોલીસને સહકાર આપીને કામ સિવાય ઘરની બહાર નીકળવાનું ટાળી રહ્યા છે.
Etv ભારત દ્વારા રિયાલિટી ચેક કરવામાં આવી
રાજકોટમાં હાલ કરફ્યૂનો માહોલ છે, ત્યારે રાજકોટ પોલીસ કરફ્યૂનો ચુસ્તપણે શહેરમાં અમલ કરાવે છે કે, નહીં તે જોવા માટે રિયાલિટી ચેક કરવામાં આવી હતી. જેમાં શહેરની વાવડી ચોકડી ખાતે ETVની ટીમ 10:30 વાગ્યે પહોંચી હતી, ત્યારે પોલિસ દ્વારા અહીં જે પણ વાહનો નીકળતા હતા તેનું ચેકીંગ કરવામાં આવતું હતું. તેમજ રાત્રી દરમિયાન ક્યાં કારણોસર તેઓ નીકળ્યા છે. તે પણ પૂછવામાં આવી રહ્યું હતું. તેમજ બિનજરૂરી ફરવા નિકળેલા ઈસમો વિરુદ્ધ પોલીસ દ્વારા કાર્યવાહી કરવામાં આવી રહી હતી.
કરફ્યૂ દરમિયાન પોલીસની કામગીરી બીદરવા લાયક
રાજકોટમાં હાલ રાત્રી કરફ્યૂ છે. જ્યારે બીજી તરફ રાત્રી દરમિયાન હાર્ડથીજવી નાખે તેવી ઠંડી પણ જોવા મળી રહી છે. એવામાં પોલીસ દ્વારા શહેરના અલગ-અલગ ચોક પર સત્તત ઉભા રહીને કામગીરી બજાવામાં આવી રહી છે. રાત્રી કરફ્યૂ દરમિયાન જેટલા પણ વાહનો નીકળે તો તેને ઉભું રાખીને પોલીસ દ્વારા બરાબર ખરાઈ કર્યા બાદ જ તેને જે તે સ્થળે જવા દેવામાં આવે છે. તેમજ કરફ્યૂ દરમિયાન બિનજરૂરી નીકળતા ઈસમો વિરુદ્ધ પોલીસ કાર્યવાહી પણ કરી રહી છે.
દિવાળી પર્વ બાદ રાજકોટમાં કોરોના સંક્રમણ વધ્યું
રાજકોટમાં દિવાળી અગાઉ કોરોનાના પોઝિટિવ કેસ કાબુમાં આવી ગયા હતા પરંતુ દિવાળી દરમિયાન કેટલાક લોકો દ્વારા બેદરકારી દાખવામાં આવી હતી. જેને લઈને કોરોનાના સંક્રમણમાં વધારો થયો હતો. ત્યારે રાજકોટમાં કોરોના સંક્રમણની ચેન તોડવા માટે રાજ્ય સરકાર દ્વારા રાત્રી કરફ્યૂ લગાડવામાં આવ્યું છે.
