રાજકોટ રેન્જ IGનું ફેસબુક એકાઉન્ટ હેક, મિત્રો પાસેથી નાણાંની માંગણી કરાઈ

રાજ્યમાં સોશિયલ ક્રાઇમની ઘટનાઓ સામે આવી રહી છે. એવામાં રાજકોટ રેન્જ IGનું જ ફેસબુક એકાઉન્ટ હેક થતાં શહેરભરમાં ચર્ચાનો વિષય બન્યું છે. અજાણ્યા ઈસમ દ્વારા રાજકોટના રેન્જ IG એવા સંદીપ સિંઘનું જ ફેસબુક એકાઉન્ટ હેક કરવામાં આવ્યું છે. તેમજ ફેસબુક એકાઉન્ટ હેક કરીને તેમાં રહેલા મિત્ર સર્કલ પાસે નાણાંની પણ માંગણી કરવામાં આવી હતી. આ સમગ્ર મામલે IG સંદીપ સિંઘ દ્વારા નજીકના લોકોને પણ સાવચેત કર્યા છે.

• રાજકોટ રેન્જ IGનું ફેસબુક એકાઉન્ટ હેક
• ફેસબુક અકાઉન્ટ હેક કર્યા બાદ મિત્રો પાસેથી કરાઈ નાણાંની માંગણી
• સમગ્ર ઘટના મામલે સાયબર સેલને કામગીરી સોંપાઈ

રાજકોટઃ રાજકોટના રેન્જ IG સંદીપ સિંઘનું ફેસબુક આઈડી અજાણ્યા ઈસમો દ્વારા હેક કરવામાં આવ્યું હતું. તેમજ આ ઈસમો દ્વારા રેન્જ IGના મિત્ર સર્કલ પાસેથી ફેસબુક એકાઉન્ટ મારફતે નાણાંની પણ માંગણી કરી હતી.

રાજકોટ રેન્જ IGનું ફેસબુક એકાઉન્ટ હેક, મિત્રો પાસેથી નાણાંની માંગણી કરાઈ

રેન્જ IG સંદિપ સિંઘનું ફેસબુક એકાઉન્ટ હેક

જો કે આ ઈસમો કોણ છે હજુ સુધી તે સામે આવ્યું નથી પરંતુ રેન્જ IG સંદીપ સિંઘ દ્વારા નજીકના મિત્ર વર્તુળને આ મામલે સતર્ક રહેવા માટેની જાણ કરવામાં આવી છે. હાલ આ મામલે પોલીસ કાર્યવાહી પણ કરવામાં આવનાર હોવાની વાત ચર્ચાઈ રહી છે. તેમજ આ મામલે સાયબર સેલને પણ કામે લગાડવામાં આવી છે.