હાલ રાજ્યમાં વિધિવત રીતે ચોમાસુ શરૂ થઈ ગયું છે પરંતુ રાજકોટ સહિત સૌરાષ્ટ્રમાં કેટલાંક જિલ્લાઓમાં વાવણી લાયક વરસાદ થતાં ખેડૂતોએ રાજીરાજી થઈને પોતાના ખેતરમાં વાવણી કરી હતી. ત્યારબાદ વરસાદ પાછો ખેંચાતા ખેડૂતો ચિંતામાં મુકાયા છે.
ખીજડિયામાં ખેડૂતનો પાક સુકાતા બોલાવી રામધૂન
એક તરફ વાવણી કર્યા બાદ ખેડુતોને હવે સિંચાઈ માટેના પાણી નહિ મળતા પાકને નુકશાન થવાની ભીતિ સર્જાઈ છે. રાજકોટ જિલ્લાના ખીજડિયા ગામમાં પણ આવી જ પરિસ્થિતિનું નિર્માણ થયું છે. ત્યારે આજે મોટી સંખ્યામાં ગ્રામજનોએ એકઠા થઈને ખેતરમાં જ રામધૂન બોલાવી હતી અને સરકાર સમક્ષ સિંચાઈ માટેના પાણીની માંગ કરી હતી.
