આ યુવાને વધુ પડતો દારૂ પી લેતા તેનું મોત થયું હોવાનું જે તે સમયે તેના બનેવીએ પરિવારજનોને જણાવ્યુ હતું. જો કે પરિવારને વાત ગળે ન ઉતરતા યુવાનનું ફોરેન્સીક પોસ્ટમ મોર્ટમ કરવાયું હતું. ત્યારે ફોરેન્સીક રિપોર્ટ આવતા સામે આવ્યું હતું કે મૃતક દેવુભાનું દારૂથી નહીં પરંતુ ઝેરના કારણે તેનું મોત થયું હતું.
રાજકોટમાં મિલકત માટે બનેવીએ કરી સાળાની હત્યા, ભેદ ઉકેલાયો
આ મામલે રાજકોટ ડિવિઝન પોલીસે તપાસનો ધમધમાટ શરૂ કર્યો હતો. જેમાં દેવુભાને તેના જ સગા બનેવી સહિતના શખ્સોએ દારૂમાં ઝેરી દવા ભેળવી તેને પીવડાવી હત્યા કરી હોવાની ચોંકાવનારી વિગતો સામે આવી હતી. પોલીસે મૃતકના પિતાની ફરિયાદ અને CCTV ફૂટેજના આધારે હત્યારા બનેવીની ધરપકડ કરી વધુ તપાસ હાથ ધરી હતી.
