રાજકોટઃ આ અનોખા લગ્નમાં ન તો ઢોલ વાગ્યા કે ન તો શરણાઈ વાગી, સાથે જ લગ્નમાં જે કન્યાદાનની વિધી કરવામાં આવતી હોય છે તે વિધી અને સપ્તપદીના સાત વચનની વિધી પણ મોકુફ રાખવામાં આવી હતી.
માત્ર પરિવારના વડીલોના આર્શીવાદ લઈને આ યુગલે એકબીજાને હાર પહેરાવવા જેવી રસમ નિભાવીને પોતાના લગ્ન સંપન્ન કર્યા હતાં. આ અંગે પરિવારે જણાવ્યું હતું કે, લગ્નની તારીખ 23 મે ના રોજ નક્કી કરવામાં આવી હતી અને બન્ને પરિવાર દ્વારા લગ્નની તમામ પ્રકારની તૈયારીઓ કરવામાં આવી હતી.
જ્યારે હોલનું બુકિંગ, જમણવાર, મંડપ અને સાઉન્ડ સિસ્ટમ માટે પણ એડવાન્સમાં ચુકવણું કરવામાં આવ્યું હતું, પરંતુ કોરોના વાઇરસની મહામારીના કારણે આ તમામ વસ્તુઓ શક્ય નહોતી. જેને લઈને માત્ર નજીકના જ મહેમાનોની સાથે રાખીને આ લગ્ન યોજવામાં આવ્યા હતાં.
