શંકરસિંહ કોંગ્રેસમાં આવશે તો જૂથવાદ ઉભો થશે : ડૉ. હેમાંગ વસાવડા

સ્થાનિક સ્વરાજની ચૂંટણીઓ જાહેર થઇ ગઇ છે. આવા સમયે કોંગ્રેસના એક સમયના દિગ્ગજ નેતા શંકરસિંહ વાઘેલાએ નિવેદન આપ્યું છે કે, હું બિનશરતી કોંગ્રેસમાં જોડાઇ જઈશ. શંકરસિંહના આ પ્રકારના નિવેદન બાદ રાજકારણમાં ગરમાવો આવ્યો છે. ત્યારે ગુજરાત કોંગ્રેસ પ્રદેશના નેતા ડૉ. હેમાંગ વસાવડાએ આ અંગે પ્રતિક્રિયા આપી છે.

• શંકરસિંહ વાઘેલા : હું બિનશરતી કોંગ્રેસમાં જોડાઇ જઈશ
• શંકરસિંહના આ પ્રકારના નિવેદન બાદ રાજકારણમાં ગરમાવો
• શંકરસિંહ કોંગ્રેસમાં આવશે તો જૂથવાદ ઉભો થશે : ડૉ. હેમાંગ વસાવડા

રાજકોટ : સ્થાનિક સ્વરાજની ચૂંટણીઓ જાહેર થઇ છે. ત્યારે હાલ કાર્યકર્તાઓ એક પક્ષમાંથી બીજા પક્ષમાં જવાની પણ ઘટનાઓ સામે આવી રહી છે. આ દરમિયાન પૂર્વ મુખ્યપ્રધાન તેમજ કોંગ્રેસના એક સમયના દિગ્ગજ નેતા શંકરસિંહ વાઘેલાએ એવું નિવેદન આપ્યું છે કે, જો રાહુલ ગાંધી અને સોનિયા ગાંધી મને કોંગ્રેસ પક્ષમાં જોડવાનું કહેશે, તો હું બિનશરતી કોંગ્રેસમાં જોડાઇ જઈશ. શંકરસિંહના આ પ્રકારના નિવેદનને લઈને રાજકારણમાં ગરમાવો આવ્યો છે. ત્યારે ગુજરાત કોંગ્રેસ પ્રદેશના નેતા ડૉ. હેમાંગ વસાવડાએ શંકરસિંહના કોંગ્રેસમાં આવવા પર નારાજગી દર્શાવી હોય એવું નિવેદન કર્યું છે. જેમાં તેમને જણાવ્યું છે કે, શંકરસિંહ કોંગ્રેસમાં આવશે, તો કોંગ્રેસમાં જૂથવાદ વધશે.

શંકરસિંહ કોંગ્રેસમાં આવશે તો જૂથવાદ વધશે : ડૉ. વસાવડા

ગુજરાત પ્રદેશ કોંગ્રેસના નેતા ડૉ. હેમાંગ વસાવડાનું શંકરસિંહ કોંગ્રેસમાં જોડાવા અંગે ચોકાવનારું નિવેદન સામે આવ્યું છે. જેમાં તેમને જણાવ્યું છે કે, શંકરસિંહ ઘણા વર્ષો કોંગ્રેસમાં રહ્યા હતા. જે બાદ તેમને કોંગ્રેસ છોડીને જતા રહ્યા હતા. કોંગ્રેસ પક્ષ છોડ્યા બાદ તેમને NCPમાં પણ સક્રિય ભૂમિકા નિભાવી હતી. જે બાદ NCP છોડીને તેમને પોતાનો રાજકીય પક્ષ પણ ઊભો કર્યો હતો. શંકરસિંહની કાર્યપદ્ધતિના કારણે કોંગ્રેસના અનેક કાર્યકર્તાઓમાં નારાજગી છે, જે હજૂ પણ યથાવત જોવા મળી રહી છે. ત્યારે શંકરસિંહ વાઘેલાના કોંગ્રેસમાં પરત આવવાથી કોંગ્રેસમાં જૂથવાદ વધુ વકરી શકે તેમ છે.