રાજકોટમાં સિંગતેલના ભાવમાં રૂપિયા 20નો ઘટાડો

રાજકોટ: સૌરાષ્ટ્રભરના માર્કેટિંગ યાર્ડમાં મગફળીની ચિક્કાર આવક થઈ રહી છે, ત્યારે બીજી તરફ હજુ પણ નવી મગફળીનું પિલાણ શરૂ નહીં થતા સિંગતેલના ભાવમાં સતત ઘટાડો જોવા મળી રહ્યો છે. મંગળવારે સિંગતેલના ભાવમાં ડબ્બે રૂ.20નો ઘટાડો જોવા મળ્યો હતો.

રાજકોટમાં ખુલતી બજારે સિંગતેલના ભાવમાં ડબ્બે રૂ.20નો ઘટાડો જોવા મળ્યો છે. જ્યારે કપાસિયા તેલના ભાવમાં રૂ.10નો વધારો જોવા મળ્યો છે. તેલના વેપારીઓનું માનવું છે કે નવી મગફળીનું પીલાણ શરૂ થતાની સાથે જ તેલના ભાવમાં પણ તેજી જોવા મળશે.

હાલ સિંગતેલના એક નંગ ડબ્બાનો ભાવ રૂપિયા 1750થી 1760 સુધી જ્યારે કપાસિયા તેલના ડબ્બાનો ભાવ રૂપિયા 1320થી 1350 સુધી જોવા મળ્યો હતો. સિંગતેલના ભાવમાં સતત ઘટાડો જોવા મળ્યો છે.