રંગીલા રાજકોટમાં બે યુવાન જેમાં એક સગીર વયનો છે, આ બન્ને યુવાનોએ સાથે મળીને શહેરના અલગ અલગ વિસ્તારમાંથી બાઈક ચોરી કરી હતી. ત્યારબાદ આ યુવાનો બાઈક પર અલગ કલર કરી તેની નંબર પ્લેટ બદલી નાખતા અને બાઈકનો ઉપયોગ પણ કરતા હતા. જે અંગેની બાતમી ક્રાઈમબ્રાન્ચને મળતા બંને ઇસમની શોધખોળ હાથ ધરવામાં આવી હતી.
જેના આધારે શહેરના ગ્રીનલૅન્ડ ચોકડી નજીકથી યુવાન બાઈક લઈને નીકળતાં પોલીસે તેને ઝડપી પાડ્યો હતો. ઝડપાયેલા યુવાનમાંથી સાગર ઉર્ફ પોપટ બાબુભાઇ ચૌહાણ અને અન્ય એક સગીર વયનો યુવાન છે. બંને ઇસમોની પૂછપરછ કરતા સામે આવ્યું છે, કે તેઓ મોજશોખ પુરા કરવા માટે બાઈક ચોરીના રવાડે ચડ્યા હતા, તો ક્રાઈમબ્રાન્ચે ઈસમો પાસેથી બે બાઈક પણ કબ્જે કર્યા છે.
