રાજકોટ આજ રાણો મારા રાણાના રીતે ગીતથી પ્રખ્યાત થયેલ લોકસાહિત્યકાર દેવાયત ખવડ(Folk writer Devayat Khavad) આજે 10 દિવસ પછી રાજકોટ ક્રાઈમ બ્રાન્ચ સમક્ષ હાજર થયો હતો. જે બાદ આ કેસમાં વધુ તપાસ રાજકોટ એ ડિવિઝન પોલીસ દ્વારા શરૂ કરવામાં આવી છે. આ બનાવમાં સર્વેશ્વર ચોકમાં લોકસાહિત્યકાર દેવાયત ખવડ (Folk writer Devayat Khavad) અને તેના મિત્ર દ્વારા મયુરસિંહ રાણા નામના યુવક ઉપર હુમલો કરવામાં આવ્યો હતો.
અચાનક પોલીસ સમક્ષ છેલ્લા કેટલાય દિવસથી દેવાયત ખવડ નામની(Dewayat Khavad case) ચર્ચા થઇ રહી છે અને તેમણે ગાયેલા ગીતો અત્યારે વાયરલ પણ થઇ રહ્યા છે. અને જેમાં લોકો તેમની મજાક ઉડાવતા પણ નજરે પડી રહ્યા છે. આજે રાજકોટ ક્રાઈમ બ્રાન્ચ સમક્ષ હાજર થયો હતો. જોકે આ ઘટનાના 10 દિવસ બાદ દેવાયત ખવડ હાજર થતા સમગ્ર કેસમાં નાટકીય વણાક આવ્યો હતો. જ્યારે ક્રાઈમ બ્રાન્ચ દ્વારા તેની થોડા સમય માટે પૂછપરછ કરવામાં આવી હતી. અને ત્યારબાદ એડિવિઝન પોલીસ મથકે તેની વધુ પૂછપરછ માટે લઈ જવાયો હતો. દેવાયત ખવડ અચાનક પોલીસ સમક્ષ હાજર થતા અનેક સવાલો ઊભા થયા હતા.
ભૂગર્ભમાં ઉતરી ગયો હુમલો કર્યા બાદ અચાનક દેવાયત ખવડ ભૂગર્ભમાં ઉતરી ગયો હતો. જ્યારે આ મામલે મયુરસિંહ રાણાના પરિવાર દ્વારા પોલીસના ઉચ્ચ અધિકારીઓ સહિત પીએમઓમાં પણ ફરિયાદ કરી હતી. તેમજ જો દેવાયત ખવડની ધરપકડ નહીં થાય તો આગામી દિવસોમાં આંદોલન કરવાની પણ ચીમકી ઉચ્ચારી હતી. એવામાં દેવાયત ખવડ 10 દિવસ બાદ અચાનક ક્રાઈમ બ્રાન્ચમાં હાજર થતા પોલીસે તેમની પૂછપરછ કરી હતી. જ્યારે 10 દિવસ સુધી ખવડ ક્યાં હતા. તેને ક્યાં આશરો લીધો હતો. તમામ બાબતને લઈને પૂછપરછ શરૂ કરાઇ છે.
જામીન અરજી પર સુનાવણી દેવાયત ખવડ દ્વારા આ મામલે કોર્ટમાં આગોતરા જામીન અરજી કરવામાં આવી છે. જેની વધુ સુનાવણી આવતીકાલે હાથ ધરવામાં આવશે. જોકે જામીન અરજીની સુનાવણી થાય તે પહેલા જ દેવાયત ખવડ રાજકોટ ક્રાઈમ બ્રાન્ચ સમક્ષ હાજર થયો હતો. ઉલ્લેખનીય છે કે રાજકોટ પોલીસ દ્વારા પણ દેવાયત ખવડને જામીન આપવા માટે પોલીસ દ્વારા સોગંદનામુ રજૂ કરવામાં આવતા ખવડ અચાનક ક્રાઈમ બ્રાન્ચમાં હાજર થયો હતો. ઉલ્લેખનીય છે કે દેવાયત ખવડ પર અત્યાર સુધીમાં ત્રણ જેટલા ગુનાઓ નોંધાઈ ચૂક્યા છે.
