ગોંડલ: શહેરના યોગીનગર વિસ્તારમાં રહેતા અને જવેલર્સના વ્યવસાય સાથે જોડાયેલા સોની પરિવારના વૃદ્ધ દંપતી કોરોના પોઝિટિવ આવ્યા બાદ એક જ સપ્તાહમાં બંનેના મોત નિપજયા હતા. પંદર દિવસ પહેલા કોરોના પોઝિટિવ આવતા હોસ્પિટલમા સારવાર ચાલી રહી હતી. પહેલા વૃધ્ધ પતિનું મોત થયુ હતુ જેના આઠમાં દિવસે પત્નિનું પણ મોત થતા પરિવાર પર શોકનું મોજું ફરી વળ્યુ હતુ.
દંપતીના પુત્ર પરેશભાઈએ જણાવ્યું હતું કે ખરેખર હોસ્પિટલમાં એકલતાના કારણે વૃદ્ધો મોતને ભેટી રહ્યા છે. જો દિવસ દરમિયાન માત્ર પંદર મિનિટ કે અડધો કલાક PPE કીટ પહેરીને દર્દીને મળવા દેવામાં આવે તો સો ટકા મને વિશ્વાસ છે કે વૃદ્ધ મોતના મુખમાં ધકેલાતા અટકી શકે. મારી સરકારને વિનંતી છે કે, ખરેખર વૃદ્ધ દર્દીઓને મળવાનો સમય આપવો જોઈએ
