રાજકોટના પાટખીલોરીમાં આવી અનોખી આંધીઃ ખેડૂતોનો કપાસનો પાક નિષ્ફળ

રાજકોટઃ જિલ્લાના પાટખીલોરી ગામે વરસાદી માહોલ વચ્ચે એક અનોખી આંધી સાથે વંટોળ જોવા મળ્યો હતો. ગ્રામજનોના જણાવ્યાં અનુસાર પાટખીલોરી ગામની આજુબાજુમાં વરસાદ પડતો જોવા મળ્યો હતો. ત્યારે પાટખીલોરી ગામે વરસાદી માહોલ અને વાવાઝોડા વચ્ચે એક લાલ રંગનો વંટોળ જોવા મળ્યો હતો.

લાલ રંગનો વંટોળ જે જે ખેડૂતોના ખેતરોમાંથી પસાર થયો હતો તે, ખેડૂતોએ મહામહેનતે ઉગાડેલ કપાસના પાકને સૂકવી નાખ્યો હતો. જેમને કારણે ખેડૂતોનો કપાસનો પાક નિષ્ફળ થયો હતો. આ સાથે જ કપાસના પાક નિષ્ફળ જતાં ખેડૂતોને કપાસના કિંમતી બિયારણો ગુમાવ્યાની સાથે ફરીથી કપાસના બીજનું વાવેતર કરવું પડ્યું હતું.

ગામમાં 200 વીઘા કરતાં પણ વધું વીઘામાં બનેલ આ ઘટનાની જાણ ખેડૂતોએ ગોંડલ ખેતીવાડી વિભાગના ગ્રામ સેવકને કરતાં તેઓ પણ પાટખીલોરી દોડી આવ્યા હતાં.પાટખિલોરી ગામે કુદરતના અનોખા કરીશ્મા સાથે ખેડૂતોને તો આ બનાવમાં લાચાર બનીને પોતાના કિંમતી કપાસના બિયારણો ગુમાવવા પડ્યા છે. ત્યારે આ કૌતુક ફેલાવતો કિસ્સો કૃષિ વિભાગના સંશોધકો તેમજ હવામાન વિભાગ માટે પણ એક સંશોધનનો વિષય બન્યો છે.