રાજ્યસભાની ખાલી પડેલી બેઠક પર ભાજપે રાજકોટના રામભાઈ મોકરિયાનું નામ જાહેર કર્યું

ભાજપે રાજ્યસભાની ખાલી પડેલી બેઠેક માટે રામભાઈ મોકરિયાનું નામ જાહેર કર્યું છે. રામભાઈ મોકરિયા બિઝનેસમેન છે ત્યારે તેના અનુભવનો ઉપયોગ સારો હોવાથી ઘણો ફાયદો મળશે. જ્યારે રામભાઈ મોકરિયા સાથેની વાતચીતમાં તેઓએ જણાવ્યું હતું કે, પાર્ટી કહે તેવી રીતે કામ કરીશું.

• રાજ્યસભાની ભાજપની ખાલી પડેલી 2 સીટ માટે નામ કર્યા જાહેર
• રાજકોટના રામભાઈ મોકરિયાનું નામ જાહેર
• રામભાઈ મોકરિયા Avbp કાર્યકર્તા

રાજકોટ: ભાજપે રાજ્યસભાની ખાલી પડેલી બેઠેકો પર બે ઉમેદવારોના નામ જાહેર કર્યા છે. ભાજપે દરવખતની જેમ આ વખતે પણ બંને બેઠકો પર નવા જ નામો જાહેર કર્યા છે. ભાજપે રાજ્યસભાની બે બેઠકો પર દિનેશભાઇ જેમલભાઇ પ્રજાપતિ અને રામભાઇ મોકરિયાનું નામ જાહેર કર્યું છે.

રાજ્યસભાના ખાલી પડેલી સીટના નામ જાહેર

રામભાઇ મૂળ પોરબંદરના છે

રામભાઈ મોકરિયા Avbp કાર્યકર્તા છે. તેઓ મૂળ પોરબંદરના નિવાસી છે. તેઓ હાલ રાજકોટમાં કાર્યરત છે. તેઓ મારુતિ કુરિયરના મલિક છે અને ભાજપ સાથે વર્ષોથી જોડાયેલા છે. રામભાઈની કંપની સૌરાષ્ટ્ર વિસ્તારમાં હોટેલ, ટ્રાન્સપોર્ટ, રિયલ એસ્ટેટ ક્ષેત્રે પણ કાર્યરત છે.