- મીની લોકડાઉનમાં જુગાર રમતા હતા તે સમયે પોલીસ ત્રાટકી
- બાતમીના આધારે પોલીસે ચાર જુગારીઓને ઝડપી લીધા
- ચારેય વિરુદ્ધ ગુનો નોંધી આગળની કાર્યવાહી હાથ ધરી
પોરબંદર : જૂનાગઢ રેન્જના નાયબ પોલીસ મહાનિરીક્ષક મણિન્દર પ્રતાપસિંહ પવાર સાહેબ તથા પોરબંદર પોલીસ અધિક્ષક ડૉ. રવિ મોહન સૈની દ્વારા જિલ્લામા દારૂ/જુગારની ગેરકાયદેસર પ્રવૃતી નેસ્ત નાબુદ કરવા આપેલી ખાસ સુચના અન્વયે LCB PI એન. એન. રબારીના માર્ગદર્શન હેઠળ LCB PSI એન. એમ. ગઢવી તથા LCB સ્ટાફના માણસો સાથે નાઇટ રાઉન્ડ પેટ્રોલીંગમાં હતા, તે દરમિયાન હેડ કોન્સ્ટેબલ જીણાભાઇ કટારા તથા હરેશભાઇ આહિરને મળેલી સયુકત ચોક્કસ બાતમી હકિકતના આધારે પોલીસે ચાર જુગારીઓને ઝડપી આગળની કાર્યવાહી હાથ ધરી હતી.
આ પણ વાંચો : કામરેજના ફાર્મ હાઉસમાં 4 મહિલાઓ સહિત 7 જુગારીઓ ઝડપાયા
ગંજીપતાના પાના પૈસા વડે રોનપોલીસ નામનો હારજીતનો જુગારનો અખાડો ચાલતો હતો
પોરબંદર છાયા, નવાપરા રામધામ સોસાયટીમાંથી આરોપી આશિષ ઉર્ફે કબુ કરશનભાઇ ભુતિયાએ પોતાના રહેણાંક મકાનમાં બહારથી માણસોને બોલાવી પોતાના અંગત ફાયદા સારૂ નાલ ઉઘરાવી ગંજીપતાના પાના પૈસા વડે રોનપોલીસ નામનો હારજીતનો જુગારનો અખાડો ચલાવે છે. જે હકિકત આધારે તે જગ્યાએ પોલીસે રેડ કરતા આરોપી (1) આશિષ ઉર્ફે કબુ કરશનભાઇ ભુતિયા (2) પ્રતાપ લાખાભાઇ ઓડેદરા (3) નિલેષ જેઠાભાઇ બળેજા (4) જયેશ રાજાભાઇ ઓડેદરા તમામ પોરબંદર વાળાઓના કબ્જામાંથી ગંજીપતા તથા રોકડા રૂપિયા 72,500 સાથે જુગાર રમતા પકડી અને કમલાબાગ પોલીસ સ્ટેશનમાં ગુનો રજિસ્ટર કરાયો છે.
આ પણ વાંચો : મોરબીના રાજપર ગામમાંથી એલસીબીએ પાંચ જુગારીઓની કરી ધરપકડ
આ કામગીરીમાં પોલીસ સ્ટાફ
આ કામગીરીમા LCB PSI એન. એમ. ગઢવી તથા ASI બટુકભાઇ વિંઝુડા, HC હરેશભાઇ આહિર, ગોવિંદભાઇ મકવાણા, જીણાભાઇ કટારા, PC દિલીપભાઇ મોઢવાડીયા, કરશનભાઇ મોડેદરા, રવિરાજ બારડ, લીલાભાઇ દાસા વિગેરે રોકાયેલા હતા.
