પોરબંદરમાં માતાએ 2 વર્ષીય પુત્ર સાથે કર્યું અગ્નિસ્નાન

પોરબંદરઃ જિલ્લાના રાણા કંડોરણા ગામે રહેતા અજય કરંગિયાની પત્ની અને બે વર્ષના પુત્રએ કોઈ અગમ્ય કારણોસર શરીરે આગ ચાંપી આત્મહત્યા કરી હતી. આ ઘટનાની જાણ રાણાવાવ પોલીસને થતાં તુરંત જ ઘટનાસ્થળે દોડી ગઈ હતી અને બંનેના મૃતદેહને પોસમોર્ટમ અર્થે રાણાવાવ હોસ્પિટલ ખાતે ખસેડવામાં આવ્યા હતા.

માહિતી પ્રમાણે, કુતિયાણાના બલોંચ ગામે રહેતા રમીલાબેનના લગ્ન પાંચ વર્ષ પહેલા જ રાણા કંડોરણા ગામે રહેતા અને મજૂરી કામ કરતા અજય કરંગિયા સાથે થયા હતા. આ લગ્નથી તેમને બે વર્ષનો પુત્ર માહિર હતો, પરંતુ આજે સવારે તોઈ અગમ્ય કારણોસર રમીલાબેને પુત્ર મહિસ સાથે શરીરે આગ ચાંપી મોતને વહાલું કર્યુ હતું.

પોલીસ તપાસમાં અજય કરંગીયાએ જણાવ્યું કે, પરિવારમાં ક્યારેય કોઈ ઝઘડો પણ થયો નથી. ત્યારે મૃતક રમીલાબેન ક્યાં કારણો સર આપઘાત કર્યો તે બાબતે રાણાવાવ પોલીસે તપાસ હાથ ધરી છે.