પોરબંદર: લોકડાઉન 4 માં ગુજરાત સરકાર દ્વારા બહાર પાડવામાં આવેલ બસની યાત્રા મંજૂરીમાં નિયમો પાડીને યાત્રા કરવાની છૂટ આપવામાં આવી છે. ત્યારે પોરબંદર જિલ્લામાં પોરબંદર એસટી ડેપો પરથી કુલ 6 બસ દોડશે, જે 12 ટ્રીપ કરશે. પોરબંદર, માધવપુર, કુતિયાણા અને રાણાવાવ સુધી જશે અને સવારે 8 થી સાંજે 6 સુધી આ બસ સુવિધા ચાલુ રહેશે. પરંતુ બરડા પંથકમાં આ બસ સુવિધા શરૂ ન કરતા ખેડૂતોમાં નિરાશા જોવા મળી હતી. મોટાભાગના ખેડૂતો બરડા પંથકના હોય અને પોરબંદરમાં ખેતી માટે ખરીદી કરવા આવતા જતા હોવાથી તેઓને ખાસ બસની સુવિધાની જરૂર પડે છે. આથી વહેલી તકે આ બસ શરૂ કરવા માંગ કરવામાં આવી છે.
પોરબંદરમાં બસ સુવિધા શરૂ, મુસાફરોનું સ્ક્રીનિંગ કરવામાં આવ્યું
