આ બેઠકમાં પ્રિમોનસુન અને ડ્યુરીંગ મોનસુન બાબતે જિલ્લાના અધિકારીઓ સાથે સમીક્ષા કરી હતી. કલેક્ટરે જણાવ્યું કે, તાલુકા તથા શહેરી લેવલે સંબંધિત કચેરીઓએ કંટ્રોલરૂમ 1લી જૂનથી શરૂ કરવા અને જિલ્લાના કંટ્રોલરૂમને રીપોર્ટ આપવા સાથે પૂર, વાવાઝોડું, વરસાદના સમયે દર 2 કલાકે જિલ્લા કંટ્રોલરૂમને રીપોર્ટ આપવો જરૂરી છે. છેવાડાના ગામડા સાથે પણ જોડાઇ રહેવું શેલ્ટર હોમ નક્કી કરવા તેમજ પ્રિમોનસૂન કામગીરીથી ચોકસાઇ પૂર્વક કરવી જેથી આફત ટાળી શકાય.
કલેક્ટરે ડેમના પાળા મજબૂત કરવા, રસ્તા પર રહેલા બાવળિયા જે પાણીના નિકાલને રોકે છે તેને સાફ કરાવવા, વાવાઝોડા કે પૂરના સમયે તરવૈયા સાથે સંપર્કમાં રહેવું. વરસાદના કારણે જિલ્લાનું એક પણ ગામ સંપર્ક વિહોણું ન રહે તેની પૂરી કાળજી લેવા માર્ગદર્શન આપવામાં આવ્યું હતું.
વરસાદ દરમ્યાન ટી.ડી.ઓ.તથા મામલતદારોએ ગામડાઓ સાથે જીવંત સંપર્ક રાખવો તેમજ રોગચાળો ના ફેલાય તેની તકેદારી લેવી. આ ઉપરાંત કલેકટરએ ચોમાસુ સારૂ જાય અને કોઇ મુશ્કેલી વગર જાય તેવી આશા વ્યકત કરી હતી.અધિક કલેકટર એમ.એચ.જોષીએ અધિકારીઓને વર્ષાઋૃતૃ સમયે પોતાની કચેરીના ફરજમાં આવતા કામ 10 દિવસમાં પૂર્ણ કરીને રીપોર્ટ આપવા જણાવ્યુ હતું.
આ બેઠકમાં જિલ્લા વિકાસ અધિકારી ,પ્રાંત અધિકારી , કુતિયાણાનાં પ્રાંત અધિકારી , જિલ્લા ગ્રામ વિકાસ એજન્સીના નિયામક , મામલતદાર, તાલુકા વિકાસ અધિકારી, નગરપાલિકા અને વિવિધ કચેરીનાં અધિકારીઓ ઉપસ્થિત રહ્યા હતા.
