પોરબંદર દરિયામાં ડૂબી જવાથી એક મહિલાનું મોત

પોરબંદરઃ હાલ જન્માષ્ટમી મેળાનું આયોજન ચોપાટી પર કરાયું છે. બુધવારે બપોરના સમયે પોરબંદરમાં ચોપાટી પાસે એક મહિલા ડૂબી ગઈ હોવાનું જણાતા ફાયર બ્રિગેડની ટીમ ચોપાટી ખાતે દોડી ગઇ હતી. પરંતુ મહિલા દરિયામાં ડૂબી જતાં મોત નીપજ્યું હતું.

આ મામલે તપાસ કરાતા મહિલા ચોપાટી પર એકલી આવી હોય તેવું જણાયું હતું. જેનો કોઈ વારસદાર પણ સાથે ન હતું. જેથી મહિલાના મૃતદેહને પોસ્ટમોર્ટમ અર્થે સરકારી હોસ્પિટલમાં ખસેડવામાં આવ્યો હતો. અજાણી મહિલા 60 વર્ષની ઉંમરની હોવાનું જણાય છે. ગામડામાંથી આવેલ હોય તેમ જણાય રહ્યું છે. આ મહિલાનું કોઈ પરિવારનું સભ્ય મળે માટે બે દિવસ સુધીમાં સરકારી હોસ્પિટલમાં પોલીસનો સંપર્ક કરવા સામાજિક કાર્યકર જીવનભાઈ જુંગીએ જણાવ્યું હતું.