પોરબંદરના છાયાથી 4 જુગારીની ધરપકડ

પવિત્ર શ્રાવણ માસની શરૂઆત થઇ છે, ત્યારે કેટલાક અસામાજીક તત્વો જુગાર રમતા હોય છે. આવી જ રીતે પોરબંદરમાં શ્રાવણ મહિના દરમિયાન જુગાર રમતા 4 જુગારીઓની પોલીસે ધરપકડ કરી છે.

પોરબંદરઃ જિલ્લામાંથી દારુ અને જુગારની બદી દૂર કરવા માટે પોલીસ સજ્જ છે. કમલાબાગ પોલીસ સ્ટેશનના કર્મીઓએ આ અંતર્ગત જુગાર રમતા 4 જુગારીઓની ધરપકડ કરી છે.

મળેલી બાતમીના આધારે કમલાબાગ પોલીસે છાંયા જમાતખાના પાસે રેડ પાડી હતી. આ રેડમાં પોલીસે રૂપિયા 45,620ના મુદામાલ સાથે 4 આરોપીની ધરપકડ કરી છે. આ ઉપરાંત પોલીસે જુગારીઓ પર કલમ 4 અને 5 મુજબનો ગુનો દાખલ કરી આગળની કાર્યવાહી હાથ ધરી છે.

પોલીસે ધરપકડ કરેલા જુગારીમાં ભાવના ભુતીયા, મંજુ ઓડેદરા, હિતેષ ભુતીયા અને ધવલ મોઢવાડીયા સામેલ છે.