પાટણ યુનિવર્સિટીના કુલપતિને દારૂની કવિતા પડી મોંઘી, કવિતા વાયરલ થતાં પાટણમાં વિરોધ

પાટણ: જિલ્લાની હેમચંદ્રાચાર્ય ઉત્તર ગુજરાત યુનિવર્સિટીના કુલપતિ આજકાલ વિવાદોમાં સપડાયા છે. કુલપતિના ફેસબુક એકાઉન્ટ પર દારૂનું મહત્વ દર્શાવતી કવિતા પોસ્ટ વાયરલ થઈ છે. જેનો વિવિધ શિક્ષણ સમિતિ દ્વારા ઉગ્ર વિરોધ થઈ રહ્યો છે. તેમજ કુલપતિને હોદ્દા પરથી બરખાસ્ત કરવાની માગ કરવામાં આવી છે.

પાટણની હેમચંદ્રાચાર્ય ઉત્તર ગુજરાત યુનિવર્સિટીના કુલપતિ ડૉ. અનિલ નાયકના ફેસબુક એકાઉન્ટ પર દારૂનું મહત્વ દર્શવતી કવિતા લખવામાં આવી છે. જેના કારણે યુનિવર્સિટી સંઘર્ષ સમિતિએ કુલપતિ સામે વિરોધ નોંધાવ્યો છે. તેમજ તેમને કુલપતિના હોદ્દા પરથી દૂર કરવા જિલ્લા કલેકટર સમક્ષ ઉગ્ર રજૂઆત કરી છે. ત્યારે બીજી તરફ યુનિવર્સિટી હિત રક્ષક સમિતિ કુલપતિને સમર્થન કરી રહી છે.

સોશિયલ મીડિયા પર લખાયેલી એક કવિતા કુલપતિ માટે હોદ્દો છોડવાનું કારણ બની છે. ત્યારે કુલપતિ આ અંગે કોઈ પ્રતિક્રિયા આપી રહ્યાં નથી. જેથી આ મામલો ગરમાયો છે.

હેમચંદ્રાચાર્ય યુનિ.ના કુલપતિને દારૂની કવિતા fb પર થઈ વાયરલ