પાટણમાં લોકડાઉનનો અમલ કરાવવા ડ્રોન કેમેરાથી રખાશે નજર

કોરોના વાઈરસને ફેલાતો અટકાવવા દેેશભરમાં લોકડાઉન કરાયું છે. પાટણમાં લોકડાઉનનો કડકપણે અમલ કરાવવા માટે તંત્ર દ્વારા ડ્રોન કેમેરાની મદદ લેવાશે. જે શહેરમાં ચાંપતી નજર રાખશે.

પાટણ: કોરોના વાઈરસને પગલે 144ની કલમ અને લોકડાઉન અમલી છે. છતાં કેટલાક લોકો તેનો ભંગ કરી મહોલ્લા, પોળ, સોસાયટીઓમાં ક્રિકેટ, કેરમ સહિતની રમતો રમે છે. ઓટલાઓ ઉપર ટોળાવળી વાર્તાલાપ કરે છે. આવા લોકો ઉપર અંકુશ રાખવા અને ગુનો નોંધવા પાટણ પોલીસે શહેર સહિત જિલ્લામા છ ડ્રોન કેમેરા દ્વારા ચાંપતી નજર રાખવાની શરૂઆત કરી છે.

કોરોના મહામારીના ખતરનાક વાઈરસને ફેલાતો અટકાવવા માટે સમગ્ર દેશમાં લોકડાઉન કરવામાં આવ્યું છે. પાટણ જિલ્લામાં પણ કલેકટરે લોકડાઉન જાહેર કર્યું છે. પાટણ શહેર સહિત જિલ્લામાં સાત દિવસથી લોકડાઉન છે. છતાં મહોલ્લા, પોળ અને સોસાયટીઓમાં લોકો ભેગા મળી ક્રિકેટ, કેરમ સહિતની રમતો રમે છે. ઓટલાઓ ઉપર ટોળે મળી વાર્તાલાપ કરે છે. જેને કારણે સોશિયલ ડિસ્ટન્સ જળવાતું નથી. વ્યક્તિ-વ્યક્તિ વચ્ચેનુ અંતર જળવાઈ અને લોકો ઘરમાં જ રહે તે માટે પાટણ પોલીસ દ્વારા ડ્રોન કેમેરાનો ઉપયોગ કરવામાં આવ્યો છે. પોલીસ કેમેરાની મદદથી મહોલ્લા, પોળોમા જઈ શૂટિંગ કરશે અને ટોળા દેખાશે તો ગુનો નોંધી કાયદેસરની કાર્યવાહી કરશે.

પાટણમાં લોકડાઉનનો અમલ કરાવવા ડ્રોન કેમેરાથી રખાશે નજર

પોલીસ દ્વારા પાટણ શહેરમાં બે, સિદ્ધપુર, રાધનપુર, હારીજ, ચાણસ્મામાં એક-એક મળી કુલ છ કેમેરા કાર્યરત કરવામાં આવ્યા છે. આગામી સમયમાં વધુ કેમેરા કાર્યરત કરાશે.

પાટણમાં લોકડાઉનનો અમલ કરાવવા ડ્રોન કેમેરાથી રખાશે નજર